ҶАВОНОН
Панҷшанбе 25 Апрел 2024 06:18
Ҷиҳати таҳкими дӯстӣ миёни ҷавонон ва муаррифии фарҳанги миллӣ тӯли ду рӯз, 15-16 июн, бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаҳри Кӯлоб Фестивал-намоиши ҷумҳуриявии “Зиннату ҳусни ҷавонист чакан” доир гардида, дар он 300 нафар ҷавон аз тамоми шаҳру ноҳияҳои кишвар иштирок намуданд.
Ҷавонони фаъоли ҷумҳуриро ҳангоми сафар ба шаҳри Кӯлоб нахуст дар даромадгоҳи ноҳияи Восеъ бо нону намак гарму самимӣ истиқбол гирифтанд.
Ғафурзода Мусо Зариф, раиси ноҳия пас аз истиқбол меҳмононро хайрамақдам гуфта, ҳамоиши ҷавононро, ки бо ибтикори Кумитаи кор бо ҷавонон ва варзиш роҳандозӣ шудааст, иқдоми наҷиб хонд.
Сипас Аҳмадзода Дилноза, муовини раиси Кумитаи кор бо ҷавонон ва варзиш суханронӣ намуда, баргузории фестивалро омили таҳкими дӯстӣ миёни ҷавонон арзёбӣ карда, доир шудани онро таваҷҷуҳи пайвастаи Ҳукумати кишвар ба насли ҷавон унвон кард.
САЁҲАТИ ИШТИРОКЧИЁНИ ФЕСТИВАЛ-НАМОИШИ ҶУМҲУРИЯВӢ
Нимаи дуюми рӯзи 15 июн иштирокчиёни Фестивал-намоиши ҷумҳуриявии "Зиннату ҳусни ҷавонист чакан" ба саёҳати мавзеъҳои таърихию фарҳангии ноҳияи Восеъ ва шаҳри Кӯлоб баромаданд.
Нахуст онҳо осорхона ва қалъаи Ҳулбуки ноҳияи Восеъро тамошо карда, аз таъриху фарҳанги ин мавзеи қадима маълумот гирифтанд. Гуфта шуд, ки қалъа бозгукунандаи саҳифаи заррини давлатдории тоҷикон дар минтақаи Хатлон буда, он ҳамчун рамзи иттиҳоду сарҷамъии мардуми тоҷик дар гузашта дониста мешавад.
Иштирокчиёни фестивал пас аз бо гулу гулдаста, нону намак ва суруду оҳанги тоҷикона истиқбол ёфтан дар даромадгоҳи шаҳри Кӯлоб ба тамошои ҷойҳои таърихии шаҳр баромаданд.
Онҳо аз Осорхонаи таърихию кишваршиносӣ, мақбараи Мир Саид Алии Ҳамадонӣ дидан намуда, бо фарҳангу таърихи мардуми бостонии шаҳри Кӯлоб шинос шуданд.
Дар воқеъ шаҳри Кӯлоб дорои таърихи бою ғанӣ буда, дар даврони соҳибистиқлолӣ бо дастгириҳои пайвастаи Президенти кишвар муҳтарам Эмомалӣ Раҳмон ба яке аз шаҳрҳои зеботарини ҷумҳурӣ табдил ёфта, сокинонаш дар рушду инкишофи ватани азизамон саҳми беандоза доранд.
МЕРОСИ ТАЪРИХӢ-НИШОНИ ФАРҲАНГӢ БУДАНИ
МИЛЛАТИ ТОҶИК
16 июн, дар Донишгоҳи давлатии Кӯлоб ба номи А. Рӯдакӣ дар доираи Феститивал-намоиши ҷумҳуриявии "Зиннату ҳусни ҷавонист чакан" Конференсияи илмӣ-амалӣ дар мавзӯи “Нақши Пешвои миллат дар муаррифии фарҳанги миллӣ: Чакан мероси ғайримоддии фарҳангии Юнеско” доир гардид.
Дар конференсия намояндагон аз Кумитаи кор бо ҷавонон ва варзиш, вазорату идораҳои гуногуни давлатӣ ва Ҳукумати вилояти Хатлон иштироку суханронӣ намуданд.
Дар ибтидо Мағфират Хидирзода, муовини раиси вилояти Хатлон тамоми иштирокчиёнро хуш омадед гуфта, сипас доир ба фарҳанги миллӣ андешаронӣ намуд.
Аҳтам Абдуллозода, раиси Кумитаи кор бо ҷавонон ва варзиши назди Ҳукумати ҷумҳурӣ зимни баромади хеш атрофи нақши Пешвои миллат дар муаррифии фарҳанги миллӣ ибрози назар намуда, таъкид сохт, ки фарҳанги миллӣ ташаккулдиҳандаи тарбияи ахлоқию эстетикии ҳар қавму миллат ба шумор рафта, дар баланд бардоштани ҳисси худшиносиву худогоҳӣ ва ватандӯстию ватанпарварӣ нақши муассир дорад.
“Ҷумҳурии Тоҷикистон чун ҷузъи фаъоли ҷомеаи ҷаҳонӣ имрӯз ба масъалаи фарҳанги миллӣ диққати махсус дода, маҳз дар зери сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ибтидои соҳибистиқлолӣ фарҳанги миллӣ дар арсаи ҷаҳонӣ ба таври бояду шояд муаррифӣ гардид", - гуфт дар идомаи суханронии хеш раиси Кумита.
Гуфта шуд, ки Пешвои миллат дар ҳар баромади хеш вобаста ба ҳифзи фарҳанги миллӣ аз ҷониби сокинони мамлакат суханронӣ менамоянд. Дар ин росто Сарвари давлат зикр намудаанд: “Мардуми бостониву тамаддунсози тоҷик ойину анъана ва маросиму ҷашнҳои қадимае доранд, ки қисми зиёдашон дар тӯли таърих ҷойгоҳ ва арзиши худро гум накарда, ҳамчун мероси гаронбаҳои маънавӣ то ба замони мо расидаанд. Сокинони ин сарзамини фарҳангдӯсту адабпарвар маросиму ойинҳояшонро на танҳо ҳифз кардаву гиромӣ доштаанд, балки дар марҳалаҳои гуногуни ҳаёти худ ба онҳо мазмуни нав ва сифатҳои башардӯстона зам намуда, беҳтаринашонро то даврони мо ба мерос гузоштаанд, ки нигоҳдориву арҷгузорӣ ба ин ганҷинаи бебаҳо вазифаи ҳар як фарди соҳибватан мебошад”.
Бо хушнудӣ зикр гардид, ки ҳар сол аз ҷониби созмонҳои ҷаҳонӣ урфу одат ва арзишҳои миллии мо пазируфта мешавад. Яке аз рӯйдодҳои муҳиме, ки соли 2018 дар таърихи фарҳангии миллати мо ба миён омад, пазируфта шудани “Чакан” аз ҷониби СММ мебошад. Аниқтараш 29 ноябри соли 2018 дар ҷаласаи солонаи Кумитаи ҳифзи мероси фарҳангии ғайримоддии ЮНЕСКО – Идораи илму фарҳанги Созмони Милали Муттаҳид чакан ба Рӯйхати мероси фарҳангии ғайримоддии башарият шомил карда шуд.
Дар интиҳо гуфта шуд, ин ҳама мероси фарҳангӣ, ки аз гузаштаҳо то ба имрӯз омада расидааст, нишонаи фарҳангӣ будани миллати тоҷик буда, бояд ҳар яки мо, бахусус ҷавонон онро ҳифз намоему ба ояндагон мерос гузорем. Зеро фарҳанг нишони ҳастии миллат асту муаррифгари давлату миллат дар арсаи байналмилалӣ.
“МАЛИКАИ ЧАКАН” ВА РОҲПАЙМОӢ
Дар доираи фестивал рӯзи 16 июн, дар Қасри фарҳанги шаҳри Кӯлоб озмуни “Маликаи чакан” доир шуда, дар он инчунин ҳунармандон баҳри болидарӯҳии иштирокчиён барономаи хуби консертӣ пешкаш намуданд. Пас аз иҷрои шартҳои озмуни мазкур ғолибон муайян ва бо сипосномаи Кумитаи кор бо ҷавонон ва варзиш ва туҳфаҳои хотиравӣ қадрдонӣ шуданд.
Пас аз ҷамъбасти озмуни “Маликаи чакан” роҳпаймоии беш аз 6 ҳазорнафараи ҷавонони шаҳри Кӯлоб, занони чаканпӯш ва иштирокчиёни фестивал аз назди майдони марказӣ то даромадгоҳи амфитеатри шаҳр таҳти унвони “Чакан рангҳои ҷаҳони ҷавонист!” доир шуда, баъдан баҳри истироҳат ва фароғати сокинони шаҳр дар амфитеатр зери унвони “Ҷавонӣ ҳамсони чакан аст!” шоу-барномаи консертии сарояндаҳои ҷавон баргузор гардид.
ТААССУРОТИ ИШТИРОКЧИЁН
Манижа Ширинова, иштирокчии фестивал аз шаҳри Душанбе хушнуд аст, ки баробари дигар ҷавонони фаъоли кишвар дар фестивал иштирок намудаву аз шаҳри Кӯлоби бостонӣ дидан намудааст. Ӯ гуфт: “Чун ҳадаф аз баргузории фестивал пайдо намудани дӯстони нав аст, ман низ дар муддати ду рӯзи фестивал бо чанд нафар дӯст гардидам. Ин лаҳзаҳои хотирмон ҳаргиз аз хотирам нахоҳад рафт. Барои онҳое, ки чунин иқдоми хубро роҳандозӣ намуданд, миннатдорӣ баён менамоям”.
“Ин ҳама имкониятҳои хубе, ки баҳри мо-ҷавонон фароҳам оварда шудааст, он маҳз натиҷаи таваҷҷуҳи пайвастаи Президенти кишвар муҳтарам Эмомалӣ Раҳмон мебошад. Доир шудани чунин ҳамоишҳои ҷавонони минтақаҳои кишвар барои мо имконияти тавлиди идеяҳои навро фароҳам меорад. Воқеан, фазои хуби дӯстие, ки фароҳам оварда шудааст, барои ҳар яки мо-ҷавонон лаҳзаҳои мондагор буда, он дар саҳифаи ҳаёти мо то абад нақш хоҳад баст”, - афзуд иштирокчии дигар Насиба Абдуллоева, донишҷӯи ДМТ.
Ба таъкиди Насриддинзода Рамазон, корманди Раёсати кор бо ҷавонон ва варзиши Вилояти Хатлон, фестивал тавонист тамоми ҷавонони фаъолро бо ҳам биораду дар таҳкими дӯстии онҳо саҳм гузорад. “Имрӯз Кӯлоб ғарқи муҳаббату самимияти ҷавонист. Доир шудани чунин чорабиниҳои сатҳи ҷумҳуриявӣ имкон медиҳанд, то ҳунарҳои миллӣ муаррифӣ шаванду ҷиҳати боз ҳам рушди он имкониятҳои тоза ба миён оянд”, - иброз дошт Насриддинзода Р.
Умуман фестивали мазкур, ки фестивали дӯстии ҷавонони кишвар низ унвон мешавад, ба як ҳамоиши ҳақиқии ҷавонони фаъоли тамоми минтақаҳои кишвар табдил ёфта, барои таҳкими дӯстӣ миёни ҷавонон ва баланд бардоштани ҳисси ватандӯстии онҳо нақши муассир гузошт.
Ҷавонони фаъоли ҷумҳуриро ҳангоми сафар ба шаҳри Кӯлоб нахуст дар даромадгоҳи ноҳияи Восеъ бо нону намак гарму самимӣ истиқбол гирифтанд.
Ғафурзода Мусо Зариф, раиси ноҳия пас аз истиқбол меҳмононро хайрамақдам гуфта, ҳамоиши ҷавононро, ки бо ибтикори Кумитаи кор бо ҷавонон ва варзиш роҳандозӣ шудааст, иқдоми наҷиб хонд.
Сипас Аҳмадзода Дилноза, муовини раиси Кумитаи кор бо ҷавонон ва варзиш суханронӣ намуда, баргузории фестивалро омили таҳкими дӯстӣ миёни ҷавонон арзёбӣ карда, доир шудани онро таваҷҷуҳи пайвастаи Ҳукумати кишвар ба насли ҷавон унвон кард.
САЁҲАТИ ИШТИРОКЧИЁНИ ФЕСТИВАЛ-НАМОИШИ ҶУМҲУРИЯВӢ
Нимаи дуюми рӯзи 15 июн иштирокчиёни Фестивал-намоиши ҷумҳуриявии "Зиннату ҳусни ҷавонист чакан" ба саёҳати мавзеъҳои таърихию фарҳангии ноҳияи Восеъ ва шаҳри Кӯлоб баромаданд.
Нахуст онҳо осорхона ва қалъаи Ҳулбуки ноҳияи Восеъро тамошо карда, аз таъриху фарҳанги ин мавзеи қадима маълумот гирифтанд. Гуфта шуд, ки қалъа бозгукунандаи саҳифаи заррини давлатдории тоҷикон дар минтақаи Хатлон буда, он ҳамчун рамзи иттиҳоду сарҷамъии мардуми тоҷик дар гузашта дониста мешавад.
Иштирокчиёни фестивал пас аз бо гулу гулдаста, нону намак ва суруду оҳанги тоҷикона истиқбол ёфтан дар даромадгоҳи шаҳри Кӯлоб ба тамошои ҷойҳои таърихии шаҳр баромаданд.
Онҳо аз Осорхонаи таърихию кишваршиносӣ, мақбараи Мир Саид Алии Ҳамадонӣ дидан намуда, бо фарҳангу таърихи мардуми бостонии шаҳри Кӯлоб шинос шуданд.
Дар воқеъ шаҳри Кӯлоб дорои таърихи бою ғанӣ буда, дар даврони соҳибистиқлолӣ бо дастгириҳои пайвастаи Президенти кишвар муҳтарам Эмомалӣ Раҳмон ба яке аз шаҳрҳои зеботарини ҷумҳурӣ табдил ёфта, сокинонаш дар рушду инкишофи ватани азизамон саҳми беандоза доранд.
МЕРОСИ ТАЪРИХӢ-НИШОНИ ФАРҲАНГӢ БУДАНИ
МИЛЛАТИ ТОҶИК
16 июн, дар Донишгоҳи давлатии Кӯлоб ба номи А. Рӯдакӣ дар доираи Феститивал-намоиши ҷумҳуриявии "Зиннату ҳусни ҷавонист чакан" Конференсияи илмӣ-амалӣ дар мавзӯи “Нақши Пешвои миллат дар муаррифии фарҳанги миллӣ: Чакан мероси ғайримоддии фарҳангии Юнеско” доир гардид.
Дар конференсия намояндагон аз Кумитаи кор бо ҷавонон ва варзиш, вазорату идораҳои гуногуни давлатӣ ва Ҳукумати вилояти Хатлон иштироку суханронӣ намуданд.
Дар ибтидо Мағфират Хидирзода, муовини раиси вилояти Хатлон тамоми иштирокчиёнро хуш омадед гуфта, сипас доир ба фарҳанги миллӣ андешаронӣ намуд.
Аҳтам Абдуллозода, раиси Кумитаи кор бо ҷавонон ва варзиши назди Ҳукумати ҷумҳурӣ зимни баромади хеш атрофи нақши Пешвои миллат дар муаррифии фарҳанги миллӣ ибрози назар намуда, таъкид сохт, ки фарҳанги миллӣ ташаккулдиҳандаи тарбияи ахлоқию эстетикии ҳар қавму миллат ба шумор рафта, дар баланд бардоштани ҳисси худшиносиву худогоҳӣ ва ватандӯстию ватанпарварӣ нақши муассир дорад.
“Ҷумҳурии Тоҷикистон чун ҷузъи фаъоли ҷомеаи ҷаҳонӣ имрӯз ба масъалаи фарҳанги миллӣ диққати махсус дода, маҳз дар зери сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ибтидои соҳибистиқлолӣ фарҳанги миллӣ дар арсаи ҷаҳонӣ ба таври бояду шояд муаррифӣ гардид", - гуфт дар идомаи суханронии хеш раиси Кумита.
Гуфта шуд, ки Пешвои миллат дар ҳар баромади хеш вобаста ба ҳифзи фарҳанги миллӣ аз ҷониби сокинони мамлакат суханронӣ менамоянд. Дар ин росто Сарвари давлат зикр намудаанд: “Мардуми бостониву тамаддунсози тоҷик ойину анъана ва маросиму ҷашнҳои қадимае доранд, ки қисми зиёдашон дар тӯли таърих ҷойгоҳ ва арзиши худро гум накарда, ҳамчун мероси гаронбаҳои маънавӣ то ба замони мо расидаанд. Сокинони ин сарзамини фарҳангдӯсту адабпарвар маросиму ойинҳояшонро на танҳо ҳифз кардаву гиромӣ доштаанд, балки дар марҳалаҳои гуногуни ҳаёти худ ба онҳо мазмуни нав ва сифатҳои башардӯстона зам намуда, беҳтаринашонро то даврони мо ба мерос гузоштаанд, ки нигоҳдориву арҷгузорӣ ба ин ганҷинаи бебаҳо вазифаи ҳар як фарди соҳибватан мебошад”.
Бо хушнудӣ зикр гардид, ки ҳар сол аз ҷониби созмонҳои ҷаҳонӣ урфу одат ва арзишҳои миллии мо пазируфта мешавад. Яке аз рӯйдодҳои муҳиме, ки соли 2018 дар таърихи фарҳангии миллати мо ба миён омад, пазируфта шудани “Чакан” аз ҷониби СММ мебошад. Аниқтараш 29 ноябри соли 2018 дар ҷаласаи солонаи Кумитаи ҳифзи мероси фарҳангии ғайримоддии ЮНЕСКО – Идораи илму фарҳанги Созмони Милали Муттаҳид чакан ба Рӯйхати мероси фарҳангии ғайримоддии башарият шомил карда шуд.
Дар интиҳо гуфта шуд, ин ҳама мероси фарҳангӣ, ки аз гузаштаҳо то ба имрӯз омада расидааст, нишонаи фарҳангӣ будани миллати тоҷик буда, бояд ҳар яки мо, бахусус ҷавонон онро ҳифз намоему ба ояндагон мерос гузорем. Зеро фарҳанг нишони ҳастии миллат асту муаррифгари давлату миллат дар арсаи байналмилалӣ.
“МАЛИКАИ ЧАКАН” ВА РОҲПАЙМОӢ
Дар доираи фестивал рӯзи 16 июн, дар Қасри фарҳанги шаҳри Кӯлоб озмуни “Маликаи чакан” доир шуда, дар он инчунин ҳунармандон баҳри болидарӯҳии иштирокчиён барономаи хуби консертӣ пешкаш намуданд. Пас аз иҷрои шартҳои озмуни мазкур ғолибон муайян ва бо сипосномаи Кумитаи кор бо ҷавонон ва варзиш ва туҳфаҳои хотиравӣ қадрдонӣ шуданд.
Пас аз ҷамъбасти озмуни “Маликаи чакан” роҳпаймоии беш аз 6 ҳазорнафараи ҷавонони шаҳри Кӯлоб, занони чаканпӯш ва иштирокчиёни фестивал аз назди майдони марказӣ то даромадгоҳи амфитеатри шаҳр таҳти унвони “Чакан рангҳои ҷаҳони ҷавонист!” доир шуда, баъдан баҳри истироҳат ва фароғати сокинони шаҳр дар амфитеатр зери унвони “Ҷавонӣ ҳамсони чакан аст!” шоу-барномаи консертии сарояндаҳои ҷавон баргузор гардид.
ТААССУРОТИ ИШТИРОКЧИЁН
Манижа Ширинова, иштирокчии фестивал аз шаҳри Душанбе хушнуд аст, ки баробари дигар ҷавонони фаъоли кишвар дар фестивал иштирок намудаву аз шаҳри Кӯлоби бостонӣ дидан намудааст. Ӯ гуфт: “Чун ҳадаф аз баргузории фестивал пайдо намудани дӯстони нав аст, ман низ дар муддати ду рӯзи фестивал бо чанд нафар дӯст гардидам. Ин лаҳзаҳои хотирмон ҳаргиз аз хотирам нахоҳад рафт. Барои онҳое, ки чунин иқдоми хубро роҳандозӣ намуданд, миннатдорӣ баён менамоям”.
“Ин ҳама имкониятҳои хубе, ки баҳри мо-ҷавонон фароҳам оварда шудааст, он маҳз натиҷаи таваҷҷуҳи пайвастаи Президенти кишвар муҳтарам Эмомалӣ Раҳмон мебошад. Доир шудани чунин ҳамоишҳои ҷавонони минтақаҳои кишвар барои мо имконияти тавлиди идеяҳои навро фароҳам меорад. Воқеан, фазои хуби дӯстие, ки фароҳам оварда шудааст, барои ҳар яки мо-ҷавонон лаҳзаҳои мондагор буда, он дар саҳифаи ҳаёти мо то абад нақш хоҳад баст”, - афзуд иштирокчии дигар Насиба Абдуллоева, донишҷӯи ДМТ.
Ба таъкиди Насриддинзода Рамазон, корманди Раёсати кор бо ҷавонон ва варзиши Вилояти Хатлон, фестивал тавонист тамоми ҷавонони фаъолро бо ҳам биораду дар таҳкими дӯстии онҳо саҳм гузорад. “Имрӯз Кӯлоб ғарқи муҳаббату самимияти ҷавонист. Доир шудани чунин чорабиниҳои сатҳи ҷумҳуриявӣ имкон медиҳанд, то ҳунарҳои миллӣ муаррифӣ шаванду ҷиҳати боз ҳам рушди он имкониятҳои тоза ба миён оянд”, - иброз дошт Насриддинзода Р.
Умуман фестивали мазкур, ки фестивали дӯстии ҷавонони кишвар низ унвон мешавад, ба як ҳамоиши ҳақиқии ҷавонони фаъоли тамоми минтақаҳои кишвар табдил ёфта, барои таҳкими дӯстӣ миёни ҷавонон ва баланд бардоштани ҳисси ватандӯстии онҳо нақши муассир гузошт.
Хабарҳои дигар
Рӯзнома
Эзоҳи худро нависед