Дар Маркази фарҳангии ҷавонони шаҳри Кӯлоб бо иштироки ҷавонону наврасон, сокинону кормандони касбу кори гуногун ва намояндагони Раёсати кор бо ҷавонон ва варзиши вилояти Хатлон дар мавзуи терроризм ва экстремизм вохӯрӣ баргузор гардид.

Қабл аз оғози вохӯрӣ филми “Решаҳои ноаён”, ки фаъолияти чандсола ва ҳадафу мақсадҳои нопоки ҲНИ-ро дар бар мегирифт, манзури ҳозирин гардонида шуд.

Зимни суханрониҳо баромадкунандагон вобаста ба мавзӯи матраҳ андешаронӣ намуда, иброз доштанд, ки даст задани чанде аз ҷавонони кишвар ба амалҳои хусусияти террористӣ дошта, бисёр таассуфовар аст. Зеро онҳоро мебоист дар ин айём меомӯхтанду соҳиби касб мегардиданд.

Дар охир миёни масъулин ва ҳозирин суолу ҷавоб сурат гирифт.