ҶАВОНОН
Ҷумъа 29 Март 2024 08:31
Саргузашти Карлос Слим Элу – сарватмандтарин шахси олам, аз он лиҳоз аҷибу шавқовар ва ибратбахш аст, ки ӯ бо заҳмати миёншикан, суботкориву матонати хосса, донишу маҳорат, саъю талоши беназир ва эътимод ба комёбиҳо ба қуллаи мақсуд расидааст. Дар зиндагии ин мард муҳаббат ба меҳнати ҳалол ва маълумотнокӣ мавқеи хосса доранд.
Карлос Слим Элу зодаи Мехико мебошад. Аз панҷ хоҳару бародар Карлос фарзанди чорум буд. Вақте оилаи онҳо аз Лубнон ба Мексика кӯч баст, Карлос 14 сол дошт. Ӯ забони испаниро намедонист, аммо ҷидду ҷаҳд ва саъю талоши донишандӯзиаш ӯро комёб гардонд.
Асрори муваффақияти сарватмандтарин шахси олам дар чист? Чӣ бояд кард, то ба чунин қуллаҳои мурод бирасем? Барои расидан ба зинаҳои баланди шуҳрат ва дороӣ чӣ гуна хислат ва маҳорату малакаро дар худ рушд бояд дод?
Нахустин маблағгузорӣ дар 12-солагӣ
Карлос аз кӯдакӣ сабақҳои нахустини худро доир ба беҳдошти ҳаёт ва усулҳои боло бурдани сатҳи зиндагӣ омӯхта буд. Падар ба ҳар як фарзандаш як дафтар медод, то онҳо даромаду баромад ва фоидаву зарари ҳамарӯзаи худро дар он қайд кунанд. Сипас, онҳо якҷоя ин қайдҳоро мехонданд ва ҳолати ҳар як нафарро таҳлил менамуданд. Ба шарофати ин қоидаи муқаррарӣ кӯдакон идора кардани пулҳои худро меомӯхтанд. Аз ҳамон давраҳо сарфакорӣ ва пасандози пул як ҷузъи муҳими ҳаёти Карлоси ҷавон гардид. Ӯ дар 12-солагӣ барои харидории саҳмияҳои Banco Nacionaj de Mexico суратҳисоб кушода, таҷрибаи нахустини худро оид ба муомилоти пулӣ ҳосил намуд. Вақте падараш фавтид, ӯ ҳамагӣ 13 сол дошт.
Тиҷорати аввалин
Карлос баъди хатми Донишгоҳи автономии миллии Мехико дар 25-солагӣ ба бунёди империяи ояндаи худ бо номи Grupo Carso шуруъ намуд. Баъдан ӯ оҷонсии хариду фурӯши Inmobiliaria Carso-ро таъсис дода, даромади хеле зиёд ба даст овард.
Аз буҳрон наҳаросед
Солҳои 80-уми асри гузашта дар Мексика буҳрони молиявӣ авҷ гирифт ва ин боиси маҳдудияти имконоти қарздорон ва тарки ватан кардани сармоягузорони зиёд гардид. Арзиши саҳмияҳои ширкатҳо коҳиш ёфт ва ин Карлосро водор сохт, ки барои империяи худ бо нархи хеле арзон ширкати навро харидорӣ кунад. Ӯ яке аз тоҷирони хеле муваффақи Мексика гардид. Баъдан ба ҳайати Grupo Carso корхонаҳои истихроҷи маъдан ва саноати металлургию кимиёвӣ, инчунин тиҷорати бонкӣ шомил гардиданд. Буҳрон дар Мексика барои Карлос давраи комёбиву муваффақиятҳо гардид. Яъне, маҳз буҳрони молиявӣ барояш роҳ кушод. Ба ақидаи ӯ аз буҳрон набояд тарсид, чун он имконияти азимест барои рушд кардан. Маҳз дар замони буҳрон ӯ аз вазифаи сардори бонк барканор гашту андешаи ташкил кардани тиҷорати шахсӣ ва пайдо кардани мавқеи худ ба сараш омад, маҳз буҳрон паридан бо пару боли хешро барояш омӯхт.
Силоҳи махфии сарватманд
Карлос ширкати телекоммуникатсионии Telmex (Telefonos de Mexico) – ро, ки аз ширкатҳои калонтарину бонуфузтарин маҳсуб ёфта, зиёда аз 12 миллиард доллар арзиш дошт, бо нархи 400 миллион доллар харидорӣ кард. Ин харидуфурӯш боиси баҳсу мунозираҳои зиёди амалдорони давлатӣ гардид, аммо онҳо натиҷае надоданд.
Сарватманде, ки дунёро тасхир намуд
Сарватманди оянда дарк намуд, ки муҳити Мексика барои ба роҳ мондани тиҷорат тангӣ мекунад ва ӯ тасмим гирифт, ба бозори ҷаҳонӣ барояд. Солҳои 2000-ум Grupo Carso, ки ба ширкати азиме табдил ёфта буд, саҳмияҳои худро ба фурӯш баровард. Баъдан Карлос дороиҳои ширкатҳои телекоммуникатсиониро дар бисёр кишварҳои мутараққӣ харидорӣ намуд.
Кӣ зӯртар? Карлос Слим Элу, Билл Гейтс ё Уоррен Баффет?
Соли 2002 миллиардери мексикоӣ Карлос Слим ба рӯйхати миллиардерҳои ҷаҳон шомил гардид. Дороии ӯ он замон 11 миллиард долларро ташкил дода буд. Баъди 4 сол ӯ ба рӯйхати сарватмандтарин ашхоси сайёра шомил гардида, баъди Билл Гейтс ва Уоррен Баффет, аллакай дар ҷои 3-юм қарор гирифт. Тибқи иттилои маҷаллаи “Форбс”, соли 2010 Карлос Слим Элу дар ин рӯйхат мақоми аввалро соҳиб шуд. Дороии ӯ дар ин сол 53,5 миллиард долларро ташкил дод. Дар ҳоле ки дороии “рақиб”-и ӯ Билл Гейтс он замон 53 миллиард доллар буд. Дар соли 2011 дороии Слим ба 74 миллиард доллар расид. Ӯ то соли 2013 мақоми аввалро аз даст надод. Дороии Карлос Слим Элу дар соли 2016 50 миллиард долларро ташкил медод.
Солимии муҳити оила – асоси комёбиҳо
Карлос Слим баъди марги ҳамсараш тарбияи шаш нафар фарзандро ба зимма дорад. Писаронаш дар кори ширкат ба ӯ кӯмак мерасонанд. Ӯ барои устувории оила, маълумотнокии фарзандон на вақт, на молу сарват ва на чизи дигареро дареғ намедорад. Муҳаббату эҳтироми байниякдигариро дар оила муҳим мешуморад. Ба андешаи ӯ маҳз солимии муҳити оила метавонад касро комёб гардонад.
Новобаста аз синну сол ин миллиардер ғайр аз роҳбарии ширкат, инчунин аъзои шӯрои директорони Caixa Bank буда, раисии шӯрои директорони Telmex ва раисии шӯрои директорони ширкати Impulsora del Desarrollo y el Empleo en America Latina-ро ба ӯҳда дорад.
3 ақидаи машҳури Карлос Слим:
1. Сарват – ин боғест, ки меваи онро метавон қисмат намуд, аммо дарахтонашро не.
2. Аксари одамон мехоҳанд оламро ба таври дилхоҳ барои фарзандони худ тағйир диҳанд. Ман бошам, кӯшиш мекунам, то фарзандони худро ба таври дилхоҳ тағйир диҳам, то онҳо барои олам хизмат кунанд.
3. Ҳатто дар лаҳзаҳои осонтарини ҳаёти худ аз исрофкорӣ дур бош ва ин ҳангоми мушкилоти зиёд мувозинат ва устувориро бароят таъмин месозад.
Шаҳло ЭШОНОВА, "ҶТ"
Карлос Слим Элу зодаи Мехико мебошад. Аз панҷ хоҳару бародар Карлос фарзанди чорум буд. Вақте оилаи онҳо аз Лубнон ба Мексика кӯч баст, Карлос 14 сол дошт. Ӯ забони испаниро намедонист, аммо ҷидду ҷаҳд ва саъю талоши донишандӯзиаш ӯро комёб гардонд.
Асрори муваффақияти сарватмандтарин шахси олам дар чист? Чӣ бояд кард, то ба чунин қуллаҳои мурод бирасем? Барои расидан ба зинаҳои баланди шуҳрат ва дороӣ чӣ гуна хислат ва маҳорату малакаро дар худ рушд бояд дод?
Нахустин маблағгузорӣ дар 12-солагӣ
Карлос аз кӯдакӣ сабақҳои нахустини худро доир ба беҳдошти ҳаёт ва усулҳои боло бурдани сатҳи зиндагӣ омӯхта буд. Падар ба ҳар як фарзандаш як дафтар медод, то онҳо даромаду баромад ва фоидаву зарари ҳамарӯзаи худро дар он қайд кунанд. Сипас, онҳо якҷоя ин қайдҳоро мехонданд ва ҳолати ҳар як нафарро таҳлил менамуданд. Ба шарофати ин қоидаи муқаррарӣ кӯдакон идора кардани пулҳои худро меомӯхтанд. Аз ҳамон давраҳо сарфакорӣ ва пасандози пул як ҷузъи муҳими ҳаёти Карлоси ҷавон гардид. Ӯ дар 12-солагӣ барои харидории саҳмияҳои Banco Nacionaj de Mexico суратҳисоб кушода, таҷрибаи нахустини худро оид ба муомилоти пулӣ ҳосил намуд. Вақте падараш фавтид, ӯ ҳамагӣ 13 сол дошт.
Тиҷорати аввалин
Карлос баъди хатми Донишгоҳи автономии миллии Мехико дар 25-солагӣ ба бунёди империяи ояндаи худ бо номи Grupo Carso шуруъ намуд. Баъдан ӯ оҷонсии хариду фурӯши Inmobiliaria Carso-ро таъсис дода, даромади хеле зиёд ба даст овард.
Аз буҳрон наҳаросед
Солҳои 80-уми асри гузашта дар Мексика буҳрони молиявӣ авҷ гирифт ва ин боиси маҳдудияти имконоти қарздорон ва тарки ватан кардани сармоягузорони зиёд гардид. Арзиши саҳмияҳои ширкатҳо коҳиш ёфт ва ин Карлосро водор сохт, ки барои империяи худ бо нархи хеле арзон ширкати навро харидорӣ кунад. Ӯ яке аз тоҷирони хеле муваффақи Мексика гардид. Баъдан ба ҳайати Grupo Carso корхонаҳои истихроҷи маъдан ва саноати металлургию кимиёвӣ, инчунин тиҷорати бонкӣ шомил гардиданд. Буҳрон дар Мексика барои Карлос давраи комёбиву муваффақиятҳо гардид. Яъне, маҳз буҳрони молиявӣ барояш роҳ кушод. Ба ақидаи ӯ аз буҳрон набояд тарсид, чун он имконияти азимест барои рушд кардан. Маҳз дар замони буҳрон ӯ аз вазифаи сардори бонк барканор гашту андешаи ташкил кардани тиҷорати шахсӣ ва пайдо кардани мавқеи худ ба сараш омад, маҳз буҳрон паридан бо пару боли хешро барояш омӯхт.
Силоҳи махфии сарватманд
Карлос ширкати телекоммуникатсионии Telmex (Telefonos de Mexico) – ро, ки аз ширкатҳои калонтарину бонуфузтарин маҳсуб ёфта, зиёда аз 12 миллиард доллар арзиш дошт, бо нархи 400 миллион доллар харидорӣ кард. Ин харидуфурӯш боиси баҳсу мунозираҳои зиёди амалдорони давлатӣ гардид, аммо онҳо натиҷае надоданд.
Сарватманде, ки дунёро тасхир намуд
Сарватманди оянда дарк намуд, ки муҳити Мексика барои ба роҳ мондани тиҷорат тангӣ мекунад ва ӯ тасмим гирифт, ба бозори ҷаҳонӣ барояд. Солҳои 2000-ум Grupo Carso, ки ба ширкати азиме табдил ёфта буд, саҳмияҳои худро ба фурӯш баровард. Баъдан Карлос дороиҳои ширкатҳои телекоммуникатсиониро дар бисёр кишварҳои мутараққӣ харидорӣ намуд.
Кӣ зӯртар? Карлос Слим Элу, Билл Гейтс ё Уоррен Баффет?
Соли 2002 миллиардери мексикоӣ Карлос Слим ба рӯйхати миллиардерҳои ҷаҳон шомил гардид. Дороии ӯ он замон 11 миллиард долларро ташкил дода буд. Баъди 4 сол ӯ ба рӯйхати сарватмандтарин ашхоси сайёра шомил гардида, баъди Билл Гейтс ва Уоррен Баффет, аллакай дар ҷои 3-юм қарор гирифт. Тибқи иттилои маҷаллаи “Форбс”, соли 2010 Карлос Слим Элу дар ин рӯйхат мақоми аввалро соҳиб шуд. Дороии ӯ дар ин сол 53,5 миллиард долларро ташкил дод. Дар ҳоле ки дороии “рақиб”-и ӯ Билл Гейтс он замон 53 миллиард доллар буд. Дар соли 2011 дороии Слим ба 74 миллиард доллар расид. Ӯ то соли 2013 мақоми аввалро аз даст надод. Дороии Карлос Слим Элу дар соли 2016 50 миллиард долларро ташкил медод.
Солимии муҳити оила – асоси комёбиҳо
Карлос Слим баъди марги ҳамсараш тарбияи шаш нафар фарзандро ба зимма дорад. Писаронаш дар кори ширкат ба ӯ кӯмак мерасонанд. Ӯ барои устувории оила, маълумотнокии фарзандон на вақт, на молу сарват ва на чизи дигареро дареғ намедорад. Муҳаббату эҳтироми байниякдигариро дар оила муҳим мешуморад. Ба андешаи ӯ маҳз солимии муҳити оила метавонад касро комёб гардонад.
Новобаста аз синну сол ин миллиардер ғайр аз роҳбарии ширкат, инчунин аъзои шӯрои директорони Caixa Bank буда, раисии шӯрои директорони Telmex ва раисии шӯрои директорони ширкати Impulsora del Desarrollo y el Empleo en America Latina-ро ба ӯҳда дорад.
3 ақидаи машҳури Карлос Слим:
1. Сарват – ин боғест, ки меваи онро метавон қисмат намуд, аммо дарахтонашро не.
2. Аксари одамон мехоҳанд оламро ба таври дилхоҳ барои фарзандони худ тағйир диҳанд. Ман бошам, кӯшиш мекунам, то фарзандони худро ба таври дилхоҳ тағйир диҳам, то онҳо барои олам хизмат кунанд.
3. Ҳатто дар лаҳзаҳои осонтарини ҳаёти худ аз исрофкорӣ дур бош ва ин ҳангоми мушкилоти зиёд мувозинат ва устувориро бароят таъмин месозад.
Шаҳло ЭШОНОВА, "ҶТ"
Эзоҳи худро нависед