ҶАВОНОН
Шанбе 13 Апрел 2024 05:46
5844

6 май дар Донишгоҳи миллии Тоҷикистон бахшида ба гиромидошти Рӯзи ҷавонони Тоҷикистон – 23 май, даври ниҳоии фестивал – озмуни фарҳангии донишҷӯён “Истеъдод”, ки миёни донишҷӯёни муассисаҳои таҳсилоти миёна ва олии касбии шаҳри Душанбе ҷараён дошт, баргузор гардид.

Фестивали мазкур бо ташаббуси Кумитаи кор бо ҷавонон ва варзиш таҳти сарпарастии президенти Федератсияи футболи Тоҷикистон, Рустами Эмомалӣ доир шуда, дар он намояндагони КҶВ, намояндагони донишгоҳу донишкадаҳои кишвар ва ҷавонони фаъоли пойтахт ширкат намуданд.

Зимни ифтитоҳи чорабинӣ Аҳмадзода Дилноза, муовини раиси Кумитаи кор бо ҷавонон ва варзиш ҷавониро давраи беҳтарини ҳаёт номида аз тамоми ҷавонон даъват ба амал овард, ки ба қадри ин давраи ҳаёт бирасанд ва онро пурсамар истифода баранд. Ӯ ҳамчунин аз гаронарзиш будани ин давра суҳбат карда, аз ҷумла изҳор дошт:

-Ҷавонӣ ҳавас ва як лаҳзаи ширини ҳаёт нест. Он замонест, ки тамоми умри ояндаи инсон вобаста ба он аст. Давраест, ки бояд талош кард ва ҳамин талошгарӣ сабаб мегардад, то инсон тавонад дар ҷодае муваффақ бошад.

Дар фестивал донишҷӯёни ихтисосҳои гуногун, ки завқи ҳунармандӣ дар дил доранд, рақсу мусиқӣ ва таронаву саҳнаҳои театриро пешниҳоди аҳли нишаст намуданд.

Ба таъкиди масъулин мақсад аз баргузории чорабинӣ баланд бардоштани ҳисси худшиносиву худогоҳӣ ва фарҳангпарвариву дӯст доштани арзишҳои фарҳангӣ миёни ҷавонон мебошад.

Дар фарҷоми фестивал ба як зумра донишҷӯёни ҳунарманд барои иҷрои суруду тарона ва рақсу мусиқиҳои беҳтарин сипоснома ва туҳфаҳои хотиравӣ дода шуд.

Хуршед ХОВАРӢ, Малоҳат ХОЛМУРОДОВА, “ҶТ”

Аҳмадзода.jpg

Тамошобин.jpg

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.