Курси семоҳаи омӯзишии “Духтарони сарвар”, ки аз 7 апрели соли 2017 то 21 июн идома дошт, дирӯз дар мақомоти иҷроияи ҳокимияти давлатии вилояти Хатлон ҷамъбаст гардид.

Ин омӯзиш бо ибтикори Раёсати кор бо занон ва оилаи мақомоти иҷроияи ҳокимияти давлатии вилояти Хатлон дар шаҳрҳои Қӯрғонтеппаю Кӯлоб барои беш аз 50 нафар духтарон дар доираи татбиқи “Стратегияи миллии фаъолгардонии нақши занон дар Ҷумҳурии Тоҷикистон барои солҳои ‎2011-2020” роҳандозӣ шуд.

Раъно Раҳимзода, сардори Раёсати кор бо занон ва оилаи мақомоти иҷроияи ҳокимияти давлатии вилояти Хатлон гуфт, ки дар назди Раёсати кор бо занон ва оилаи мақомоти иҷроияи ҳокимияти давлатии вилояти Хатлон Шӯрои донишҷӯдухтарон амал менамояд, ки 104 нафар духтарон узви он мебошанд ва дар оянда ҳамаи онҳо ба курсҳои омӯзишии “Духтарони сарвар” фаро гирифта мешаванд.
Дар чорабиние, ки ба хотири ҷамъбасти курси мазкур доир гардид, духтарони курси мазкурро хатм кардаанд, аз ҷониби муовини раиси вилояти Хатлон Хидирзода Махфират сертификати хатми курси “Духтарони сарвар” супорида шуд.

Умед Мирзоев, “ҶТ”