Бо ибтикори маҳфили “Пайравони Пешвои миллат” дар назди Раёсати МДТ Донишгоҳи давлатии Хуҷанд ба номи академик Бобоҷон Ғафуров дар ҳамкорӣ бо Раёсати кор бо ҷавонон ва варзиши вилояти Суғд аксияи тарғиботӣ таҳти унвони “Хизмати Модар-Ватан рисолати олии ҷавонмард” баргузор гардид.
 
Дар чорабинӣ аз ҷониби ҳайати маҳфили “Пайравони Пешвои миллат” дар кӯчаву хиёбонҳо, боғу гулгаштҳо ва дигар мавзеъҳои ҷамъиятии маркази вилоят 250 адад варақаҳои иттилоотӣ тақсим карда шуданд.

Гуфта шуд, ки ҳадаф аз баргузории аксияи мазкур баланд бардоштани ҳисси ватандӯстиву хештаншиносӣ, худогоҳии миллӣ, меҳанпарастӣ, таҳаммулпазирӣ ва ҷалби ҷавонони синни даъватӣ ба хизмати Модар-Ватан мебошад.