17 августи соли ҷорӣ дар “Кохи суруш” Конференсияи XIV Филиали Иттифоқи ҷавонони Тоҷикистон дар шаҳри Душанбе баргузор гардид.

Дар кори конференсия муовини раиси шаҳри Душанбе Мавсума Муинӣ, муовини якуми раиси Иттифоқи ҷавонони Тоҷикистон Назарзода Ризо Шодӣ, собиқадори соҳа, аъзоёни фаъоли Филиали Иттифоқи ҷавонони Тоҷикистон дар шаҳри Душанбе иштирок намуданд.

Ба ҳайати раёсати конференсия Мавсума Муинӣ, муовини раиси шаҳри Душанбе, Назарзода Ризо Шодӣ, муовини якуми раиси Иттифоқи ҷавонони Тоҷикистон, Мирзозода Иброҳим, вакил аз ноҳияи Исмоили Сомонӣ, Раҳимзода Шоҳзод, раиси Филилаи Иттифоқи ҷавонони Тоҷикистон дар шаҳри Душанбе, Саймуминзода Аббос, вакил аз ноҳияи Исмоили Сомонӣ, Музафарзода Дилшод, вакил аз ноҳияи Сино, Дилшод Файзуллозода, вакил аз ноҳияи Фирдавсӣ, Рустам Наботӣ, вакил аз ноҳияи Шоҳмансур, Собирзода Атобой, вакил аз ноҳияи Фирдавсӣ, Раҳимзода Умедҷон, муовини озоди раиси Филиали Иттифоқи ҷавонони Тоҷикистон дар шаҳри Душанбе, инчунин Назаров Натҳулло собиқадори соҳа, вакил аз ноҳияи Исмоили Сомонӣ интихоб гардиданд.

Рӯзномаи конференсия аз рӯи масъалаҳои ҳисоботи Филиали Иттифоқи ҷавонони Тоҷикистон дар шаҳри Душанбе дар 6 моҳи соли 2020, тасдиқи қарори Филиали Иттифоқи ҷавонони Тоҷикистон дар шаҳри Душанбе оид ба ҳайат ва пешниҳоди вакилон ба Анҷумани XIV ғайринавбатии  Иттифоқи ҷавонони Тоҷикистон, инчунин масъалаҳои ҷории  дахлдор баррасӣ гардид.

Дар охири ҷамъомад аз тарафи раиси Филиали иттифоқи ҷавонони Тоҷикистон дар шаҳри Душанбе Шаҳзод Раҳимзода ба як қатор табибон ва телевизиону рӯзномаҳои кишвар барои ҳамкориҳои мутақобилан судманд, инчунин саҳм гузоштан дар тарғиб барои пешгирӣ аз бемории COVID-19 сипосномаву ифтихорномаҳо тақдим карда шуд.