Имрӯз, 16 феврал, бо ташаббуси Мақомоти иҷроияи маҳалии ҳокимияти давлатии ноҳияи Ҷалолиддини Балхӣ, ШВКД-и ноҳия дар якҷоягӣ бо Донишгоҳи давлатии Қӯрғонтеппа ба номи Носири Хусрав, бахшида ба "Соли ҷавонон", зери унвони "Нақши ҷавонон дар бартараф намудани ақидаҳои ифротгароӣ" конференсияи илмӣ-амалӣ баргузор гардид.

Дар кори конференсия раиси ноҳияи Ҷ. Балхӣ, Ҳасани Муродиён - доктори илмҳои филолигияи ДДҚ ба номи Носири Хусрав, Хурсандмурод Муллоев - номзади илмҳои иқтисодӣ, муаллими ДДҚ ба номи Носири Хусрав, сардори ШВКД-и ноҳия, роҳбарони ташкилоту муассисаҳои ноҳия, ҷавонони фаъоли гурӯҳи "Пешоҳанг" аз шаҳри Қӯрғонтеппа, инчунин ҷавонони фаъолу ташаббускор иштирок намуданд.

Маърӯзачиён оид ба хатарҳои замони муосир ва роҳҳои пешгирии он суҳбат карда, аз ҷумла қайд намуданд, ки хатарҳои имрӯз, аз ҷумла терроризм ва экстремиз ба ҷомеаи ҷаҳонӣ хатари на камтар аз силоҳи ядроиро ба вуҷуд овардааст. Ангуштшумор ҷавонони ноогоҳи кишварамон ба ин гурӯҳҳо пайваста дур аз Ватану модар умр ба сар мебаранд.

Дар конференсия, ҳамчунин нуктаҳои муҳими Паёми Президенти Ҷумҳурии Тоҷикистон ба Маҷлиси Олӣ ба аҳли толор фаҳмонида шуд.
Ҷавонон зимни баромад ба Пешвои миллат, муҳтарам Эмомалӣ Раҳмон ҷиҳати "Соли ҷавонон" эълон кардани соли 2017 изҳори сипос намуда, қайд карданд, ки татбиқи босамари сиёсати давлатии ҷавонон аз рӯзҳои нахустини соҳибистиқлолӣ дар меҳвари сиёсати давлат ва Хукумати кишвар қарор дорад ва мо - ҷавононро зарур аст, ки ҷавобан ба ин ғамхориҳо саъю талоши хешро ба донишандӯзӣ, интихоби касбу ҳунарҳои муосир, ободиву пешрафти сарзамини аҷдодӣ, ҳимояи Ватани азизамон равона созем.