Тавре иттиллоъ дода будем, дар ноҳияи Бохтар бахшида ба «Соли ҷавонон», «Корвони ҷавонон» баргузор шуда истодааст.

Имрўз дар асоси Нақша-чорабиниҳои «Корвони ҷавонон» дар якчанд маҳаллаву деҳаҳои ҷамоати Навбаҳор мулоқоту вохӯриҳо бо ҷавонон ва падару модарон баргузор гардид.

Дар он чорабиниҳои фарҳангӣ, аксияҳои иттилоотӣ, намоиши дастовардҳои ҷавонон, ташкили «Корвони саломатӣ» ва мусобиқаҳои гуногуни варзишӣ баргузор шуд.

Дар охир фаъолон ва ғолибони мусобиқаҳои варзишӣ бо туҳфаҳо аз ҷониби Бахши ҷавонон, варзиш ва сайёҳии ноҳияи Бохтар  қадрдонӣ шуданд.