ҶАВОНОН
Чоршанбе 17 Апрел 2024 08:22
9273

Маросими ҷоизасупорӣ ба беҳтаринҳо дар соҳаи кор бо ҷавонон 6 феврали соли 2023 доир мегардад, хабар медиҳанд аз Маркази матбуотии дастгоҳи марказии Кумитаи бо ҷавонон ва варзиши назди Ҳукумати Ҷумҳурии Тоҷикистон.

Маросими мазкур дар толори “HYATT REGENCY” баргузор шуда, беҳтаринҳо аз рӯи 10 номинатсия муайян ва озмунҳои эълоннамудаи Кумита дар соли 2022 натиҷагирӣ карда мешаванд.

Инчунин, дар маросими мавриди назар ҷоизаи “Шуҷоат ва ҷавонмардӣ” ба 12 нафар, ғолибони Ҷоизаи Кумитаи кор бо ҷавонон ва варзиш дар самти адабиёт, санъат, меъморӣ, рӯзноманигорӣ, барномасозӣ, техника, технология ва инноватсия ва эҳёи ҳунарҳои мардумӣ, ҷоизаҳои “Беҳтарин сохтори соҳаи кор бо ҷавонон ва варзиш дар соли 2022”, “Беҳтарин муассисаи тарғиботӣ дар самти кор бо ҷавонон”, “Беҳтарин корманди соҳаи кор бо ҷавонон”, “Барандаи гранти ҳукуматӣ миёни ташкилоти ҷамъиятии кор бо ҷавонон дар самти ватанпарастии ҷавонон дар соли 2022”, “Беҳтарин волонтёри соли 2022”, “Беҳтарин корофари ҷавон дар соли 2022”, “Беҳтарин шуъбаи кор бо ҷавонони муассисаҳои таҳсилоти олии касбӣ дар соли 2022”, “Беҳтарин намояндаи маҳфили ҷавонони дар хориҷи кишвар таҳсилдошта дар соли 2022”, “Беҳтарин маҳфили доимоамалкунандаи назди ташкилоти ҷамъиятии “Пайравони Пешвои миллат дар соли 2022” ва "Беҳтарин сохтор дар самти тарбияи ватандӯстии ҷавонон дар соли 2022” ба соҳибонашон супорида мешаванд.

Ба гуфтаи масъулин дар маросими мавриди назар ҳамчунин барномаи фарҳангӣ бо иштироки як гурӯҳ сарояндаҳои машҳури кишвар пешбинӣ гардидааст.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.