Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба “Соли рушди сайёҳӣ ва ҳунарҳои мардумӣ” дар арафаи таҷлили ҷашни байналмилалии Наврӯз дар шаҳрҳои Бохтар ва Кӯлоби вилояти Хатлон шоу барномаи ҳаҷвии Маҳфили ҳаҷвнигорони Кумитаи кор бо ҷавонон ва варзиш таҳти унвони “Лабханди ҷавонӣ” баргузор гардида, дар он шумораи зиёди ҷавонону наврасон ва сокинони вилоят иштирок намуданд.

Маҳфили ҳаҷвнигорони ҷавони Кумитаи кор бо ҷавонон ва варзиш бо мақсади дарёфти ҷавонони соҳибистеъдод ва соҳибмалака ва дар ин замина баланд бардоштани завқи ҳаҷв миёни ҷавонон дар “Соли ҷавонон” таъсис ёфта буд, ки аъзоёни он муҳассилини муассисаҳои таҳсилоти олӣ ва миёнаи умумии кишвар мебошанд.