11 март муборизаи зебодухтарон вилояти Хатлон барои соҳиб шудан ба мақоми “Маликаи Наврӯз” ба анҷом расид ва   Бунавша Маҳмадиева ғолиби озмун дониста шуд.  
Озмуни мазкур аз ҷониби Раёсати кор бо занон ва оилаи мақомоти иҷроияи ҳокимияти давлатии вилояти Хатлон бахшида ба Наврӯзи байналмиллалӣ роҳандозӣ шуда,  дар шаҳру навоҳии вилоят тули як моҳ идома ёфт.

Даври аввал дар шаҳру навоҳии Қӯрғонтеппа, даври дуюм дар минтақаи Кӯлоб ва ҷамъбасти озмун дар Донишкадаи энергетики ноҳияи Бохтар баргузор гардид.

Дар даври ҷамбастии озмун Раъно Раҳимзода, сардори Раёсати кор бо занон ва оилаи мақомоти иҷроияи ҳокимияти давлатии вилояти Хатлон ва намояндагони 25 шаҳру наҳияҳои вилоят иштирок намуданд.

Озмун аз рӯи панҷ шарт - суруд, намоиши либоси миллӣ, санҷиши зеҳнӣ, саволу ҷавоб оид ба суннатҳо ва анънаҳои Наврӯз ва қироати шеър дар васфи «Баҳор» ва «Наврӯз» гузаронида шуд.

Дар охир ғолибони озмун бо туҳфаҳо ва ифтихорномаҳои мақомоти иҷроияи ҳокимияти давлатии вилояти Хатлон  қадрдонӣ шуданд.

Умед Мирзоев, “ҶТ”