Дар толори мақомоти иҷроияи ҳокимияти давлатии ноҳияи Кӯҳистони Мастчоҳ семинар-машварат оид ба пешгирии бемориҳои сироятӣ – ВНМО, БПНМ ва нашъамандӣ доир гардид.

Дар семинар кормандони мақомот ва ҷавонону наврасони ноҳия иштирок намуда, доир ба хатарҳои бемориҳои мазкур маълумоти зарурӣ гирифтанд.

Гуфта шуд, ки барои кам кардани хавфи сироят ва густариши беморӣ ҳар фард бояд ҳар чӣ бештар дар бораи ВНМО/БПНМ, яъне роҳҳои сирояти он, инкишоф ва зуҳуроти беморӣ, табобат ва пешгирии онро донад. Тибқи маълумоти Барномаи СММ оид ба мубориза алайҳи ВНМО - БПНМ ҳар рӯз дар ҷаҳон 16 ҳазор нафар аз вируси норасогии масъунияти одам сироят меëбад, ки тақрибан 50%-ро ҷавонони синнашон аз 14 то 20-сола ташкил медиҳад.

Дар ҷараёни семинар-машварат ҳамзамон наврасону ҷавонон вобаста ба роҳҳои бартарафсозии ин вабои аср фикру мулоҳизаронӣ намуда, таъкид карда шуд, ки бояд ҳар шахс саломатии хешро ҳифз намояду дар солимии аҳли ҷомеа саҳмгузор бошад.