28 июл дар Муассисаи давлатии “Душанбе-плаза” дар асоси нақшаи чорабиниҳои Мақомоти иҷроияи ҳокимияти давлатии шаҳри Душанбе дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони “Мо - ҷавонон бо Пешвои худ ифтихор дорем”, конфронси ҷумҳуриявӣ гузаронида шуд.

Конфронсро сардори Раёсати кор бо ҷавонон ва варзиши шаҳри Душанбе Иброҳим Мирзозода ифтитоҳ намуда, оид ба дастгирӣ ва таваҷҷӯҳи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон нисбати насли наврасу ҷавон суханронӣ намуд. Дар ҷараёни чорабинӣ сардори Раёсати кор бо ҷавонони Кумитаи кор бо ҷавонон ва варзиш Шоҳзод Раҳимов, намояндаи Маркази тадқиқоти стратегии назди Президенти Ҷумҳурии Тоҷикистон Шералӣ Ризоиён ва ҷавонони касбу кори гуногун бо намояндагӣ аз шаҳру ноҳияҳои ҷумҳурӣ бо маърӯзаҳои худ, ки атрофи хизматҳои шоёни Пешвои муаззами миллат дар самтҳои мухталифи ҳаёту рӯзгори ҷавонон амалӣ гардидаанд, суханронӣ намуданд.

Дар фарҷом ҷавонони фаъол андешаҳои худро дар робита ба дастгириҳои пайвастаи Раиси шаҳри Душанбе муҳтарам Рустами Эмомалӣ нисбати амалӣ намудани сиёсати ҷавонпарваронаи Пешвои муаззами миллат иброз намуда, таъсис додани 200 адад Стипендияи Раиси шаҳри Душанбе барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанберо намунаи олии қадршиносӣ аз фаъолияти ҷавонон дар “Соли ҷавонон” арзёбӣ намуданд.