Таҳти унвони мазкур бо ибтикори Раёсати кор бо ҷавонон ва варзиши вилояти Суғд миёни ҷавонон мулоқот баргузор гардид.

Дар мулоқот намояндаи соҳаи маориф, роҳбари маҳфили “Пайравони Пешвои миллат”-и назди Раёсати кор бо ҷавонон ва варзиши вилоят Ҳакимов Нозимҷон, аъзоёни маҳфил Худойназарзода Ҳотамназар ва Ҷалолов Сӯҳроб иштироку суханронӣ намуданд.

Зимни баромадҳо таъкид гардид, ки дар ҳеҷ давру замоне терроризм ва экстремизм паёмади хуб наоварда, танҳо ба инсонҳо бадбахтиҳоро насиб гардонидааст. Аз ин рӯ, ҷавонон бояд ҳамеша зидди ин вабои аср бошанду ҷиҳати решакан намудани он саҳми худро гузоранд.