Дар Кумитаи миллии олимпии кишвар вохӯрии раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо донишҷӯёне, ки дар хориҷи кишвар таҳсил доранд, сурат гирифт.

Аҳтам Абдуллозода зимни суханронии хеш иброз дошт, ки саҳми ҷавонони дар хориҷи кишвар таҳсилдошта дар муаррифии забон, фарҳанг, таърих ва осори пурғановати миллати тоҷик дар арсаи байналмилаллӣ назаррас аст. Имрӯзҳо ҷавонони тоҷик метавонанд баробари таҳсил дар кишварҳои хориҷа, чорабиниҳои мухталифи илмию назарявӣ ва адабию фарҳангиро ҷиҳати муаррифии фарҳанги миллати тоҷик доир намоянд.