ҶАВОНОН
Ҷумъа 18 Январ 2019 03:20
5262
Нимаи дуюми рӯзи 4 январи соли 2019 дар толори маҷлисгоҳи Кумимтаи миллии олимпии Тоҷикистон мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам бо таҳсилкунандагони курси омӯзишии “Пайравони Пешвои миллат” баргузор гардид.

Курси омӯзишии “Пайравони Пешвои миллат” аз ҷониби Кумитаи кор бо ҷавонон ва варзиш дар доираи дастгириҳои наҷибонаи Роҳбари давлат ва сиёсати ҷавонпарваронаи ӯ дар “Соли ҷавонон” таъсис ёфта, шумораи зиёде аз ҷавонон ба курс фаро гирифта шудаанд.

Дар курси мазкур роҳбарони вазорату идораҳо, ходимони сиёсӣ, собиқадорони соҳаи хизмати давлатӣ ва шахсиятҳои бонуфузи ҷомеа вобаста ба таҷрибаи омӯхтаи хеш ба ҷавонон муддати ду соат дарс мегӯяд ва аз сиёсати ҷавононпарварона ва оқилонаи Роҳбари давлатро, ки барои ҳар як шаҳрванд фазои осоиштагӣ ва оромиро ҳадя намудааст, ибрози назар менамоянд.

Раиси Кумита зимни суханронии хеш иброз доштанд, Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар душвортарин лаҳзаҳои таърихӣ ва беҳтарин лаҳзаҳои умри инсон – дар сини 40 солагӣ ба арсаи сиёсат омаданд ва миллати ба пораҳо тақсимгардида ва кишвари ба минтақаҳо ҷудогардидаро ба як кишвари воҳид табдил дода, халқи парешхӯрдаро бо ҳам муттаҳид намуданд.

Аз рӯзҳои нахустини ба сари қудрат омадани Пешвои муаззами миллат, муҳтарам Эмомалӣ Раҳмон сиёсати давлатии кор бо ҷавонон дар меҳвари сиёсати Роҳбари давлат қарор гирифта, нисбати насли ҷавонон то кунун ғамхориҳои доимӣ бараъло мушоҳида мешавад. Таъсис ёфтани Стипендияҳои Президентӣ, квотаҳои Президентӣ, маркази миллии тестӣ, Шурои миллии кор бо ҷавонон дар назди Президенти Ҷумҳурии Тоҷикистон намудани волои ин гуфтаҳо мебошанд. Мову Шумо вазифадорем, ки таҷрибаи бузурги созандагиву бунёдкорӣ, ваҳдатофарӣ ва сиёсати ҷавонпарваронаи Пешвои муаззами миллат, муҳтарам Эмомалӣ Раҳмонро омӯзему сармашқи фаъолияти кории ҳаррӯзаи хеш намоем ва чун пайравони асили Пешвои миллат бо қадамҳои устувор баҳри созандагиву бунёдкорӣ камари ҳиммат бандем, зикр намуд раиси Кумитаи кор бо ҷавонон Абдуллозода Аҳтам.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Январ 2019 c.