Дар дораи нақша-чорабиниҳо бахшида ба Рӯзи ҷавонони Тоҷикистон дар Муассисаи давлатии «Наврӯзгоҳи пойтахт» мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо волонтёрони Кумитаи кор бо ҷавонон ва варзиш, шаҳри Душанбе ва волонтёрони ташкилотҳои системаи ҷавонон баргузор гардид.

Мақсад аз баргузории мулоқот ин ҷоннок намудани фаъолияти волонтёрӣ дар Ҷумҳурии Тоҷикистон, ташкили чорабиниҳои илмию – маърифатӣ, аксияҳои иттиллоотӣ вобаста ба пешгирии ҷавонон аз ҳар гуна омилҳои номатлуби ҷомеа, аз ҷумла пешгирии ҷавонон аз бемориҳои ВНМО/ БПМН, тарғиби тарзи ҳаёти солим ва ташкили чорабиниҳои оммавию варзишӣ ба шумор меравад.

“Фаъолияти волонтёрӣ фаъолиятест, ки ҳазорсолаҳо дар миёни мардуми мо бо шаклҳои гуногун вуҷуд дорад ва падарону бобоёни мо ин навъи фаъолияти волонтёриро бо мақсади ободу зебо гардонидани Ватан, густариши худшиносии миллӣ ва дӯст доштани сарзамин, обёриву дасти кӯмак расонидан ба шахсони ниёзманд истифода менамуданд. Дар дарони соҳибистиқлолӣ ҷавонони фаъоли кишвар бо тшаббусҳои наҷибона дар партави сиёсати оқилонаи Пешвои маҳбуби кишвар чун пайравони асили Пешвои миллат дар роҳи ободонию созандагии ба ин навъи фаъолияти ҷамъиятӣ мепардозанд” – зикр намуд зимни суханронии хеш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон.