Нимаи дуюми имрӯз дар Донишгоҳи славянии Русияву Тоҷикистон мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам бо донишҷӯёни соли аввали муассисаҳои таҳсилоти олии ҳудуди шаҳри Душанбе баргузор гардид.

Мақсад аз баргузории мулоқот татбиқи босамари сиёсати давлатии ҷавонон буда, вобаста ба масъалаҳои муҳими ҳаёти ҷавонон, пешгирии онҳо аз ҳар гуна омилҳои номатлуби иртиҷоӣ, нагаравидани ҷавонон ба ҳар гуна омилҳои номатлуби иртиҷоӣ, риояи одоби шаҳрнишинӣ ва дигар масъалаҳои муҳими ҳаёти ҷавонон ибрози назар карда шуд.

Раиси Кумитаи кор бо ҷавонон ва варзиш зимни суханронии хеш иброз намуданд, ки миллати тоҷик баъди ба даст овардани Истиқлолияти давлатии Ҷумҳурии Тоҷикистон рӯзҳои мудҳишро аз сар гузаронда, хушбахтона бо роҳнамоии фарзанди фарзонаи миллати тоҷик - Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин сахтиҳоро аз сар гузаронида, ба рӯзи саодат расид. Миллати тоҷик саодату сарбаландиро бо роҳнамоии Пешвои хирадманди тоҷик, муҳтарам Эмомалӣ Раҳмон ба даст оварда, имрӯз ҷавонону наврасони кишвар дар фазои оромиву осудагии кишвар зиндагӣ доранд.

Дар охир, суолу ҷавоби озод бо раиси Кумитаи кор бо ҷавонон ва варзиш доир гардида, донишҷӯён ба суолҳои додаи хеш посухи саҳеҳ гирифтанд.