Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи нақшаи чорабиниҳои “Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон барои солҳои ‎2018 - 2022” санаи 5 апрели соли ҷорӣ дар ноҳияи Рӯдакӣ ва шаҳри Ваҳдат рӯзи дарҳои кӯшод, мулоқоту вохӯриҳо ва дигар чорабиниҳои мақсаднок баргузор карда шуд.

Чорабиниҳо дар қисмҳои низомии 16772 - и Ситоди Генаралии Қувваҳои Мусаллаҳи Ҷумҳурии Тоҷикистон ва 15018 - Вазорати мудофиаи Ҷумҳурии Тоҷикистон бо ҷалби афсарону сарбозон ва ҷавонони синни то даъватӣ ташкил ва баргузор карда шуда, бо намояндаи Кумитаи кор бо ҷавонон ва варзиш аз шароиту имкониятҳои қисмҳои ҳарбӣ аз наздик ошнои пайдо намуданд.

Дар охир ба як қатор афсарону сарбозон туҳфаҳои хотиравӣ ва сипосномаи раиси Кумитаи кор бо ҷавонон ва варзиш Аҳтам Абдуллозода тақдим карда шуд.