Бо мақсади пешгирии шомилшавии ҷавонону наврасон ба гуруҳҳои ифротгарову террористӣ, ҷараёну равияҳои бегона ва риоя намудани талаботи иҷроиши қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” масъулини сохторҳои давлатии ноҳияи Мурғоб бо ҷавонони ноҳия мулоқот намуданд.

Дар вохӯрӣ Ҳусния Раҷабова, муовини раиси ноҳия, Сафарзода Бахтибек, прокурори ноҳия, Тайғонбай Ҷафаров, мудири шуъба оид ба корҳои дин, танзими анъана ва ҷашну маросимҳо, Хуросонӣ Хуросониев, сардухтури беморхонаи ноҳиявӣ, Айгул Термичикова, мудири бахши кор бо занон ва оила, Жанпулот Қамчибеков, мудири бахши ҷавонон, варзиш ва сайёҳӣ ширкат варзиданд.

Ҳ. Раҷабова зимни баромади хеш қайд намуд: “Мо аз он шодем, ки то ҳол аз ҳисоби ҷавонону наврасони ноҳия ба гуруҳҳои тундраву террористӣ касе шомил нашудааст. Аммо илоҷи воқеаро пеш аз вуқуъ бояд ҷуст ва бароямон лозим аст, ки дар самти баланд бардоштани маърифату ҷаҳонбинии ин табақа аз усулҳои нав истифода кунем.”

Ҳамчунин масоили нашъамандӣ, пешгирии бемориҳои сироятӣ, издивоҷӣ хешу таборӣ, худкушӣ мавзӯҳои дигари ин мулоқот ба ҳисоб мерафтанд.

Машҳур ИМОМНАЗАРОВ, “ҶТ”