Муроҷатномаи ҷавонону варзишгарони Тоҷикистон ба Президенти Ҷумҳурии Тоҷикистон, Асосгузори сулҳу Ваҳдати миллӣ – Пешвои миллат муҳтарам Эмомалӣ Раҳмон

Ҷавонони саодатманди Тоҷикистони азиз огоҳ ҳастанд, ки Пешвои муаззами мо ба хотири ояндаи дурахшони миллати тоҷик сулҳу суботро дар ҷумҳурӣ барқарор карда, Ватанамонро аз вартаи фалокат наҷот доданд ва бо ташаббуси наҷибу созандаи худ кишвари биҳитосоямонро ба ҷомеаи ҷаҳонӣ муаррифӣ намуда, мақом ва мартабаи онро баланд бардоштанд.

Мо, насли ояндасози Ватан беш аз ҳама ифтихор аз он дорем, ки Пешвои миллат муҳтарам Эмомалӣ Раҳмон дар тамоми азму кори хеш ба нерӯи тавонбахши ҷавонони мамлакат такя намуда, баҳри ҳалли мушкилоти онҳо чораҳои судманд меандешанд ва ташаббусҳои ҷавононро дастгирӣ менамоянд.

Ин амали некбинонаи Президенти Ҷумҳурии Тоҷикистон, Асосгузори сулҳу Ваҳдати миллӣ – Пешвои миллат муҳтарам Эмомалӣ Раҳмон бори дигар ба ҷавонон нерӯ мебахшад, эътимоди онҳоро ба фардои дурахшони Тоҷикистон зиёдтар мегардонад ва дар қалби ҷавонон эҳсосу масъулияти ватандорӣ, меҳнатдӯстӣ ва бунёдкориро бештар мегардонад.

Мо, ҷавонони ҷумҳурӣ ба ин ҳама ғамхориҳои Сарвари давлат ваъда медиҳем, ки арзишҳои миллӣ, дастовардҳои даврони соҳибистиқлолии кишварро ҳифз менамоем, ҳамчун пайравони асили Пешвои миллат ифродгароӣ, терроризм ва экстремизмро маҳкум мекунем, бар зидди ҳамроҳшавии ҷавонон ба гурӯҳҳои ифродгароӣ мубориза бурда, то ҷон дар рамақ дорем, ҳар як ваҷаби хоки диёрро ҳимоя мекунем ва баҳри ободӣ, сарсабзӣ ва осудагию суботи Тоҷикистони ба ҷону дил баробар талош менамоем.

Ҷавонони ватандӯсту худогоҳи кишвар аз ғамхории навбатии Пешвои миллат оид ба эълон гардидани “Соли ҷавонон” ниҳоят сарфароз мебошанд. Ин иқдоми Президенти Ҷумҳурии Тоҷикистон масъулияти ҳар яки моро дар назди миллату давлат дучанд гардонида, моро водор месозад, ки дар роҳи бунёди ҷомеаи ҳуқуқбунёд, демократӣ ва дунявӣ, рушду нумӯи Тоҷикистони азиз иштироки фаъолона карда, чун ворисони арзандаи Асосгузори сулҳу ваҳдати миллӣ барои халқу давлатамон хизмати содиқона намоем.

Мо, ҷавонони бонангу номус беҳтарин хислатҳои ватандӯстонаро аз Пешвои муаззами миллат омӯхта, кӯшиш менамоем, ки инсондӯст, илмдӯст, донишандӯз, хештаншинос ва ҳомии манфиатҳои миллию давлатӣ бошем ва дар роҳи амнияти давлатӣ ва саодати мардум ҷон фидо карданро шарофати бузург медонем.

Қувваи мо ҷавонон дар якдиливу ягонагии мост. Аз ин рӯ, мо ҷавонон яктану якҷон шуда, Ватани худ – Тоҷикистони азизро обод менамоем ва дар роҳи ҳифзи хоки поки он, агар лозим ояд, ҷони худро фидо мекунем.

Мо ҷавонон сидқан бо Пешвои арзандаи худ ифтихор намуда, сиёсати хирдмандона ва дурандешонаи Президенти мамлакатро ҷонибдорӣ менамоем ва бо пайравӣ аз Пешвои миллат дар рушди созандагию бунёдкорӣ ва дар амалигардонии ҳадафҳои стратегии кишвар саҳми босазои худро мегузорем.

Поянда бод дустию ҳамдилии ҷавонони Тоҷикистони азиз!

Ҷовидон бод, Ватани маҳбуб бо Пешвои арзандааш – Эмомалӣ Раҳмон!

Мо, ҷавонони ватандӯст, пайрави Пешвои миллатем ва ҳар як супориши ӯро бо дилу ҷон иҷро менамоем!

Зинда бод Тоҷикистони азиз!

Ҷовидон бод Пешвои миллат!