ҶАВОНОН
Якшанбе 25 Август 2019 03:09
6209
Муроҷиатномаи ҷавонони ноҳияи Куҳистони Мастчоҳ ба Асосгузори сулҳу Ваҳдати миллӣ - Пешвои миллат, Президенти Чумҳурии Тоҷикистон муҳтарам Эмомалӣ Раҳмон 

Мо-ҷавонони соҳибватан, идомабахшандагони насли фарҳангофару тамаддунсоз ва ниёгони тоҷбарсар, ба Тоҷикистони азизи хеш чун меҳвари сулҳу субот ва гӯшаи биҳиштосо дар рўи замин саҷда оварда, иброз медорем, ки баҳри ҳифзи ҳар зарра хоки муқаддаси он ва таъмини зиндагии арзандаю осоиштаи мардуми шарифи диёр ва меҳмонони ба он ташрифоварда, бо тамоми ҳастии хеш омодаем. 

Ҳамаи ин саодату шарофат аз баракати Истиқлолият ва ғамхориҳои падаронаи Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон мебошад, ки нисбати тақдири имрўзу фардои ҷавонони мо таваҷҷуҳи хоса доранд ва барои ин парчамбардорони фардои бақои миллати мо дар ҳама ҷодаҳо хидматҳои бедареғи худро нисор мефармоянд. Мо чавонони Кӯҳистони Мастчоҳ имрўз чун ворисони боэътимоди давру замон ва пайравони Пешвои миллат хуб дарк менамоем, ки рисолати имониву ҷонии мо ин пеш аз ҳама арзанда будан ба унвони шарафманди пайравони Пешвои миллат мебошад. Мо ҷавонони Кӯҳистони Мастчоҳ чун пайравони асили Пешвои муаззами миллат, муҳтарам Эмомалӣ Раҳмон аз мактаби мардонагиву ҷасорат, ватандӯстиву сарсупурдагӣ ва садоқати ин шахсияти беназир дарси ибрат гирифта, ҳифзи марзу буми ин Ватан, таъмини оромиву осудагии ҳар як сокини кишвар, ҳимояи муқаддасоти миллат, нигаҳдошти фарҳанг, забон ва расму оини наҷиби меҳмоннавозии мардуми шарафманди тоҷикро вазифаи муқаддаси хеш қарор медиҳем. Мо ҷонибдори сиёсати оқилонаи Пешвои муаззами миллатем! Мо шуморо дӯст медорем! Шараф ба Пешвои муаззами миллат! Шараф! Шараф! Шараф!

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.