Аз ҷониби Бахши кор бо ҷавонон ва варзиши ноҳияи Б.Ғафуров дар толори Маркази ҷавонони ноҳия намоиши дастовардҳои ҳунармандони ҷавон таҳти унвони “Ҳунарманд ҳар куҷо бувад сарфароз!” бахшида ба “Соли рушди сайёҳӣ ва ҳунарҳои мардумӣ” бо ҷалби ҳунармандони ҷавон баргузор гардид.

Зимни чорабинӣ гуфта шуд, ки маҳсулоти ҳунармандӣ ва намунаҳои фарҳанги суннати миллати тоҷик яке аз василаҳои ҷалби сайёҳон ба кишвар маҳсуб ёфта, сарзамини мо бо табиати дилошӯбу фарҳанги нотакрораш ҳазорон сайёҳону дӯстдорони табиатро ҳамасола ба сӯи худ ҷалб менамояд.

Намоиши мазкур бо мақсади баланд бардоштани ҳисси ватандӯстӣ, тарғиби намудҳои ҳунарҳои мардумӣ ва ҷалби наврасону ҷавонон ба эҳё намудани расму оини аҷдодӣ баргузор гардида, дар фарҷоми чорабинӣ аз тарафи Бахши кор бо ҷавонон ва варзиши ноҳия ба иштирокчиёни фаъол диплом ва туҳфаҳои хотиравӣ супорида шуд.