Дар ҳамаи шаҳру навоҳии вилояти Хатлон садҳо ниҳолу буттаҳои ороишӣ аз ҷониби ҷавонон шинонида шуд.

Бахшида ба ҷашни Наврӯзи байналмилалӣ, дар шаҳру ноҳияҳои вилоят Аксияи ҷумҳуриявии ниҳолшинонии ҷавонон ва ҳашари оммавӣ баҳри беҳдошти фазои экологӣ таҳти унвони «Дарахти дӯстӣ бишнон, ки коми дил ба бор орад» баргузор гашта истодааст.

Дар доираи аксия дар маркази вилоят, шаҳри Қӯрғонтеппа 600 нафар наврасону ҷавонон бо руҳияи баланди ватандӯстӣ дар кӯчаву хиёбонҳои шаҳр бехи дарахтонро нарм намуда, беш аз 100 бех ниҳолҳои сояафкан шинониданд.

Ба гуфтаи Беҳрӯз Бобоев, сармутахассиси Бахши варзиш ва сайёҳии Раёсати ҷавонон, варзиш ва сайёҳии вилояти Хатлон дар шаҳру навоҳии вилоят зиёда 4181 нафар наврасону ҷавонон дар аксия иштирок намуда, наздик ба 1000 бех  ниҳолҳои сояафкан, 1562 ниҳолҳои мевадиҳанда ва 100 ниҳоли гулҳои ороишӣ шинониданд.

Ниҳолҳое, ки аз ҷониби ҷавонон шинонида мешаванд аз бахшҳои Раёсати ҷавонон, варзиш ва сайиёҳии шаҳру навоҳӣ бо ҳамдастии ҳукуматҳои маҳаллӣ дастрас мегардаyд.

Умед Мирзоев, "ҶТ"