Ҳар ҳафтаи рӯзҳои истироҳат кӯчаҳои шаҳри Хоруғ бо ташаббуси ҷавонони ризокор ва ронандагон ободу хуррам гардонида мешавад.

Дар ин росто Бахши кор бо ҷавонон ва варзиши шаҳр дар якҷоягӣ бо ҷавонон гурӯҳи махсус иборат аз 50 нафарро таъсис додааст, ки ба мунтазам тоза нигоҳ доштани роҳҳои байнишаҳрӣ, обу ҷуйборҳо, партофтани ахлотпораҳо дар ҷойҳои лозима, кабудизоркунии маҳаллаву хиёбонҳо ва шинондани дарахтҳои гуногун дар рӯзҳои фасли баҳор мусоидат менамояд.

Бояд қайд кард, ки марҳилаи аввали фаъолияти гурӯҳ аллакай аз маҳаллаи Тем то бозори “20 – солагии Истиқлолият” – и шаҳр оғоз шудааст.