Дар мусобиқаи байналмилалии ҷудо – “Gran Prix Antalya 2019”, ки 5-7 апрел баргузор гардид, Комроншоҳи Устопириён варзишгари тоҷик соҳиби медали биринҷӣ шуд. 
Комроншоҳ  дар мусобиқаи мазкур аз даври дуввум майдондориро шурӯъ карда, аз дасти паҳлавони тоҷик нахуст Мокану Лурие аз Молдавия ва баъдан ҷудокори эстониятабор Калюлаид Клен Кристоферро дучори шикаст шуданд.

Дар марҳилаи чорякниҳоӣ Комроншоҳи Устопириён аз рақиби Гурҷистонии худ Чрикишвили Автандили мағлуб шуда, ба марҳилаи тасаллобахш роҳ пеш гирифт. 
Дар қувваозмоии тасаллобахш варзишгари тоҷик бар намояндаи Белорус Йаҳор Варапайеу ва дар қувваозмоӣ барои ҷои сеюм бар варзишгари Исроил Итай Голан дастболо гардида, медали биринҷиро ба гардан овехт.

Ёдовар мешавем, ки Комроншоҳ Устопириён дар Гран Прии Анталия соли 2018 медали тилло ва соли 2017 бошад, медали нуқра ба даст оварда буд.