Бо ташаббуси Бахши кор бо ҷавонон ва варзиши ноҳияи Балҷувон бахшида ба таҷлили Рӯзи ҷавонони Тоҷикистон 25 апрел озмуни ноҳиявии суханварони ҷавон таҳти унвони “Санъати сухан”, байни хонандагони муассисаҳои таълимии ноҳия, баргузор гардид.

Дар чорабинӣ зиёда аз 20 нафар хонандагони фаъол иштирок намуда, ҷои аввал насиби Исломзода Марзия ва ҷои дуюму сеюмро Саидаи Раҳмон ва Балхиёи Музаффар соҳиб гардиданд. Ғолибон аз тарафи бахш бо туҳфаҳо қадрдонӣ шуданд.

Сармутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳия Парвина Маҳмадалиева иштирок ва суханронӣ намуда таъкид намуд, ки : “Санъати баланди рафтор аз суханварӣ оғоз мешавад, ки ҳангоми риоя кардани он кас ба муваффақиятҳои баланди назаррас комёб мегардад. Дар ёд бояд дошт, ки ҳар як инсонро вобаста ба суханаш сатҳи муошираташро баҳо додан мумкин аст”- гуфт ӯ.