Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади дарёфти суханварон ва мубаллиғони ҷавон, ки дорои фарҳанги баландию сиёсӣ ва ҳуқуқӣ мебошад, озмуни ҷумҳуриявии “Санъати сухан”-ро миёни муҳассилини муассисаҳои таҳсилоти миёнаи умумӣ, ибтидоӣ, миёна ва олии касбии ҷумҳурӣ ва ҷавонони касбу кори гуногун бахшида ба “Рӯзи ҷавонони Тоҷикистон” эълон менамояд.

Дар озмун метавонанд: хонандагони синфҳои болоии муассисаҳои таҳсилоти миёнаи умумӣ, донишҷуёни мактабҳои олӣ, коллеҷу литсейҳо, инчунин журналистон, соҳибкорон, ҳунармандон ва дигар ҷавононе, ки ба корҳои сиёсӣ ва фарҳангӣ майлу раѓбат доранд, ширкат намоянд.

Дар озмуни ҷумҳуриявии “Санъати сухан” мавзуҳое, қабул карда мешаванд, ки ба масоили ҷавонон дахл дошта бошанд.

Мавзӯи озмун озод буда, мазмуну мундариҷаи он бояд фарогири ҳаёт ва фаъолияти ҷавонон бошад.

Иштирокчиён мавзуҳои худро таҳти унвони «Барои озмун» ба адреси электронии diloshub.rozikov@mail.ru ва ё ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон (кӯчаи Варзишгарон 6) ирсол карда метавонанд.

Муҳлати пешниҳод ҷиҳати иштирок дар озмун то санаи 27 апрели соли 2018 муқаррар гардида, ғолибон дар арафаи “Рӯзи ҷавонони Тоҷикистон” дар вазъияти тантанавӣ қадрдонӣ карда мешаванд.

Иштирокчиён барои қироати мавзӯҳои пешниҳоднамудаашон оид ба замон ва макони баргузорӣ иловатан хабардор карда мешаванд.

Суроға:
Кумитаи кор бо ҷавонон ва варзиши назди Ҳукумати Ҷумҳурии Тоҷикистон, кӯчаи Варзишгарон 6.
Телефон: 236 37 26; 90 406 60 74
diloshub.rozikov@mail.ru