Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба “Рӯзи ҷавонони Тоҷикистон”, бо мақсади ҳавасмандгардонӣ ва худфаъолӣ байни рӯзноманигорон ва нависандагон озмуни ҷумҳуриявии беҳтарин матнҳои ҳаҷвӣ (латифа, саҳнаҳои ҳаҷвӣ, суруду шеърҳои ҳаҷвӣ, таронаҳои ҳаҷвӣ, ҳикояҳои ҳаҷвӣ) аз рӯи риояи услубҳои ҳаҷвнависӣ вобаста ба масъалаҳои рӯзмарраи дар ҷомеа ҷойдошта эълон менамояд.

Тибқи талаботи озмуни мазкур матнҳои ҳаҷвӣ то санаи 18 майи соли ҷорӣ қабул ва ғолибон аз ҷониби комиссияи босалоҳият иборат аз мутахассисони соҳа баҳогузорӣ ва муайян карда мешаванд.

Довталабон метавонанд матнҳои ҳаҷвии худро бо зикри ному насаб, вазифа, суроғаи ҷойи зист ва телефонҳои тамос бо ишораи “Ба озмун” тариқи электронӣ ба почтаи электронии ahmadzoda8923@gmail.com ва хаттӣ ба унвонии Кумита пешниҳод намоянд.

Ғолибон бо диплом ва туҳфаҳои хотиравӣ қадрдонӣ карда мешаванд.

Суроға:
Кумитаи кор бо ҷавонон ва варзиши назди Ҳукумати Ҷумҳурии Тоҷикистон, кӯчаи Варзишгарон 6.
Телефон: 236 37 26; 933333484