Кумитаи кор бо ҷавонон ва варзиши назди Ҳукумати Ҷумҳурии Тоҷикистон озмуни ҷумҳуриявии «Меҳри Ватан»- ро миёни қаламкашони ҷавон эълон мекунад.  

Иқдоми мазкур дар доираи нақшаи чорабиниҳои Кумита ва  “Барномаи давлатии ватандӯстӣ ва таҳкими ҳувияти миллии ҷавонони Тоҷикистон барои солҳои 2018- 2022” роҳандозӣ шудааст.

Мақсад  аз баргузории озмуни ҷумҳуриявии «Меҳри Ватан»- ин  дар рӯҳияи худшиносиву худогоҳии миллӣ тарбия намудани насли наврас ва бедор намудани ҳисси миллӣ дар замири ҷавонон мебошад.  Дар  озмун муаллифони ҷавон   метавонанд бо  мақолаҳои публисистии худ иштирок намоянд.  Хоҳишмандон метавонанд то 10 майи соли равон  мақолаҳои худро ба унвони Кумитаи кор бо ҷавонон ва варзиш ирсол намоянд.

Муаллифони  беҳтарин мақолаҳои публисистӣ дар арафаи Рӯзи ҷавонони Тоҷикистон  бо сипоснома ва туҳфаҳои хотиравӣ қадрдонӣ карда мешаванд.