ҶАВОНОН
Ҷумъа 10 Июл 2020 03:29
1351
Ҷавонони саодатманду хушиқбол!

Имрӯз мардуми сарбаланди тоҷик дар арафаи таҷлили ҷашни бузурги  25-умин солгарди Истиқлолияти давлатӣ қарор дорад.

Бо шарофати ин ҷашни таърихӣ ва паёмадҳои он имрӯз мо ботантана Рӯзи байналмилалии ҷавононро якҷоя таҷлил менамоем.

Эътироф шудани ҷавонон ҳамчун ояндасозони миллат, нерӯи пешбаранда ва қувваи ҳаракатдиҳандаи ҷомеа, таваҷчуҳи бештар зоҳир намудани давлат ва Ҳукумати Ҷумҳурии Тоҷикистон ба ин қишри ҷомеа, аз он шаҳодат медиҳанд, ки воқеан ҷавонони даврони соҳибистиқлол идомабахши ҳадафҳои олии кишвар ҳастанд.

Имрӯз Ҳукумати кишвар барои ташаккули ҷаҳонбиниву баланд бардоштани сатҳи дониши ҷавонон ҳавасманд буда, ба таҳсили ҷавонон ҳамҷониба мусоидат менамояд.

Айни замон дар баробари таҳсил намудани ҷавонони саодатманди мо дар дохили кишвар, ҳамзамон дар хориҷи кишвар 12000 ҷавонон дар доираи Барномаи стипендияи байналмилалии Президенти мамлакат «Дурахшандагон» ва беш аз 20 ҳазор нафар дар асоси шартномаҳои байнисоҳавӣ ва донишгоҳӣ ба таҳсил фаро гирифта шудаанд.

Имрӯз дар маҷмӯъ дар мактабҳои олии кишварҳои хориҷӣ беш аз 35 ҳазор нафар ҷавонони мо таҳсил доранд.

Бо шарофати пойдории Истиқлолияти давлатӣ барои фароҳам овардани заминаи мусоид ҷиҳати омӯзиши илмҳои муосир ва таъриху адабиёти пурғановати тоҷик имконияту шароитҳои фаровон муҳайё шудаанд, ки насли ояндасози миллат имкон доранд бемамоният таҳсили илм ва фаъолияти самаранок намоянд.

Аз ин лиҳоз, имрӯз ҳар яки Шумо – ҷавонони хушиқболи Ватанро зарур аст, ки ҷавобан ба ғамхориву дастгириҳои давлату Ҳукумат бо илму дониши қавӣ, ақлу заковати зеҳнӣ, истеъдоду малакаи фитрӣ, қобилияту ташаббусҳои наҷиб, иқдомҳои бунёдкоронаву ақидаҳои ҷолиби созанда, касбу ҳунари воло ва бо дарки баланди масъулияти инсонӣ ва ватандӯстиву хештаншиносӣ дар рушду инкишоф ва ободиву шукуфоии ин сарзамини биҳиштосо саҳми арзандаи хешро гузоред.

Боварии комил дорам, ки таҳти роҳбарии хирадмандонаи фарзанди фарзонаи миллат, Пешвои муаззами миллати тоҷик, пуштибон ва ҳимоятгари ҷавонон, Президенти Ҷумҳурии Тоҷикистон, муҳтарам Эмомалӣ Раҳмон дар ободӣ ва шукуфоии Ватани азизамон саҳми арзандаи хешро гузошта, хидматҳои шоиста хоҳед кард. Зеро, ҷавонон пайравони воқеии Пешвои миллат ва муҳофизони дастовардҳои 25 соли Истиқлолияти давлатӣ мебошанд!

Ҷашн муборак, ҷавонони хушиқболи диёр!

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.