Ба муносибати “Соли ҷавонон” дар ноҳияи Рӯшон фестивали фарҳнагӣ – фароғатии кӯдакону наврасон таҳти унвони “Нерӯи хушбахтӣ” баргузор гардид.

Дар он намояндагони Мақомоти иҷроияи маҳаллии ҳокимияти давлатии ноҳия, Бахши кор бо ҷавонон ва варзиш, ширкати барқии “Pamir Energy” ва ҷавонон ширкат варзиданд.

Дар ҷараёни фестивал аз тарафи ширкати “Pamir Energy” барои кӯдакону наврасон машғулиятҳои китобхонӣ, қироати шеърҳои гуногун, рассомӣ, наққошӣ ва дигар бозиҳои фароғатӣ ташкил карда шуд.

Ҳамчунин аз ҷониби аҳли фарҳанги ноҳия барномаи ҷолиби фарҳангӣ пешкаши иштирокдорон гардида, байни ҷавонон мусобиқаҳои гуногуни варзишӣ аз намуди тенниси рӯи миз, волейбол, шоҳмот ва ғайра доир гардид.

Машҳур ИМОМНАЗАРОВ, “ҶТ”