ҶАВОНОН
Душанбе 25 Июн 2018 09:27
4466
Таҳти ҳамин унвон имрӯз, 8 июни соли 2018 дар Кохи афсарони шаҳри Душанбе Форуми байналмилалии рушди сармояи инсонӣ бо мақсади тақвият ва рушди малакаҳои касбии ҷавонон дар самти шуғлнокӣ ва интихоби касби муосир вобаста ба талаботи бозори меҳнат, таҳсилоти олӣ дар дохил ва хориҷи кишвар, машғул гардидан ба тиҷорат бо тарз ва усули нав дар ҷаҳони муосир баргузор гардид.

Форуми мазкур бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар ҳамкорӣ бо Вазорати меҳнат, муҳоҷират ва шуғли аҳолӣ ва дигар вазорату идора ва ташкилоту муасиссаҳо бо сарпарастии президенти Федератсияи футболи Тоҷикистон гузаронида шуд.

Дар форум коршиносон аз соҳаҳои гуногун, олимону муҳаққиқон, ҷавонони фаъоли вазорату идораҳо ва ҳамчунин тавассути фосилавӣ коршиносон аз хориҷи кишвар иштирок намуданд.

Қабл аз шурӯи қисмати расмии чорабинӣ меҳмоннон аз намоишгоҳи ҳунарҳои мардумӣ, ширкатҳои сайёҳӣ, имкониятҳои таҳсил дар муассисаҳои таҳсилоти олии дохил ва хориҷи кишвар ва ярмаркаҳои ҷои кори холӣ дидан намуданд.

Қисматии расмии форум бо иштироки муовини аввали раиси Кумитаи кор бо ҷавонон ва варзиш Назарзода Ризо, муовини аввали раиси Кумитаи рушди сайёҳӣ Ҳабибулло Амирбекзода, муовини вазири меҳнат муҳоҷират ва шуғли аҳолӣ Мирзозода Абдусалом, муовини раиси Кумитаи кор бо занон ва оила Давлатзода Зулфия, мушовири вазири корҳои хориҷӣ Камолов Абудғаффор, меҳмонон аз хориҷӣ кишвар ва донишҷӯёну ҷавонони фаъол иштирок намуданд.

Дар оғози суханронии худ муовини аввали раиси Кумитаи кор бо ҷавонон ва варзиш Назарзода Ризо қайд намуд, ки дар замони муосир, ки амиқшавии нобаробарии кишварҳо зуҳур ва шиддати таҳдиду хатарҳои пайваста таҳти таъсири рӯзафзунӣ равандҳои ҷаҳонишавӣ аҳли сайёраро ба ташвиш овардааст, рушди нерӯи зеҳнӣ ва истифодаи самараноки он яке аз омилҳои муҳим барои ҳифзу нигоҳдошти манифатҳои миллат ба ҳисоб меравад:

- Нерӯи инсонӣ худ маҷмӯи дониш ва маҳорату малакаи инсон буда, дар қонеъгардонии ниёзу эҳтиёҷоти ҷомеа таъсир ва нақши муҳим дорад. Сиёсати ҷавонпарваронаи Пешвои муаззами миллат, муҳтарам Эмомалӣ Раҳмон дар самти дастгирии ҷавонон, роҳ додани онҳо ба майдонҳои сиёсӣ, иҷтимоию фарҳангӣ, ғамхорию дастгириҳои пайвастаи онҳо имрӯз набзи зиндагии кишвар гардидааст. Ҳоло теъдоди ҷавонони то 35 сола дар байни хизматчиёни давлатӣ 50 фоизро ташкил дода, 23 фоизи дигар дар ҳайати кадрҳои роҳбарикунанда фаъолият доранд. Баргузор гардидани Форуми байналмилалии рушди сармояи инсонӣ бахшида ба мавзӯи “Роҳҳои расидан ба муваффақиятҳои касбӣ” дар рушди нерӯи инсонӣ, аҳамияти бештар зоҳир намудани ҷавонон ба масъалаи мазкур, муваффақ гардидан дар роҳи интихоби касб ва баланд бардоштани сатҳи касбиятнокии ҷавонон мусоидат мекунад- гуфт Назарзода Ризо дар идомаи суханронии худ.

Дар рафти форум намояндагони вазорату идораҳо ва меҳмонон аз хориҷи кишвар дар доираи мавзӯи “Роҳҳои расидан ба муваффақиятҳои касбӣ” суханронӣ намуда, иқдоми мазкурро мубрам ва аҳамиятнок арзёбӣ намуданд.

Ҳамчунин дар чорабинии мазкур дар толорҳои алоҳидаи Кохи афсарон қисматҳои лексинонии форум дар бахшҳои идоракунӣ ва рушди сармояи инсонӣ, роҳ ва усулҳои нави муосири ба тиҷорат машғул гардидан барои насли ҷавон дар замони ҷаҳонишавӣ, интихоби касб ва таҳсилоти муосир барои насли ҷавон гузаронида шуд.

Хуршед МАВЛОНОВ, Меҳрубон ИМОМОВА, “ҶТ”

намоиш.jpg
намоиш1.jpg
намоиш-2.jpg
Чароғи-ҳидоят.jpg
Назарзода.jpg
меҳмонон.jpg
толори-1.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.