8-уми феврал бо ташаббуси Бахши ҷавонон, варзиш ва сайёҳии ноҳияи Зафаробод дар асоси қарори раиси ноҳия бо мақсади бедор намудани ҳисси ватандӯстӣ ва меҳанпарастии ҷавонон дар хиёбони Исмоили Сомонӣ бо ҷалби беш аз 1000 нафар ҷавони муассисаҳои таълимӣ роҳпаймоӣ баргузор шуд.

Мақсад аз баргузории ин чорабинӣ вокуниш ва изҳори сипоси ҷавонони ноҳияи Зафаробод ба Пешвои миллат, муҳтарам Эмомалӣ Раҳмон буд, ки соли 2017-ро Соли ҷавонон эълон карданд.

Баъд аз роҳпаймоӣ дар назди Қасри фарҳанг бо иштироки сарояндагони боистеъдоди ноҳияи барномаи фарҳангӣ пешниҳод шуд.

Дар барномаи фарҳангӣ хонандагони фаъоли муассисаҳои таълимӣ оид ба Соли ҷавонон эълон гардидани соли 2017, бардоштани маҳдудияти барқ, нақши Пешвои миллат дар ҳаёти иҷтимоии ҷавонон, рушди варзиш ва туризм баромад намуданд.