ҶАВОНОН
Якшанбе 28 Апрел 2024 11:54
Ё ВАҲДАТИ ҶАВОНОН ДАР АРАФАИ РӮЗИ ВАҲДАТИ МИЛЛӢ
Субҳи 24-уми июли соли 2019 саҳни лагери тобистонаи “Шоҳин”-ро фазои дӯстию ваҳдат, рафоқату ҳамдигарфаҳмӣ пур карда буд. Ҷавонон дафтару қалам дар даст ба якдигар хотира мегузоштанд. “Аз дӯсти беҳтаринат...”, “Аз апаат...”, “Аз бародарат...” ва амсоли ин хотираҳои навиштаашонро нуқта мегузоштанд. Дар чашми ҳама андуҳи ҷудоӣ дида мешуд. Гӯё аз як ҳамхуну қаринашон ҷудо мешуда бошанд, ки ҳама ҷавонон бо алам сухан мегуфтанд. Ҳамзамон дар чашми онҳо як дурахши шодмониро низ дидан мумкин буд, шодмонӣ аз пайдо кардани дӯстону ҳамнишинони нав.
Лагери ҷумҳуриявии омӯзишӣ таҳти унвони “Ҷавонон – пайрави Пешвои миллат”, ки аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Созмони байналмилалии муҳоҷират таҳти сарпарастии Президенти Федератсияи футболи Тоҷикистон Рустами Эмомалӣ дар лагери тобистонаи “Шоҳин”, воқеъ дар шаҳри Гулистони вилояти Суғд, аз 20 то 24 июн баргузор гардид, аз тамоми манотиқи кишвар ҷавононро ба ҳам овард.
Субҳи 20 июн, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо иштирокчиёни лагери омӯзишии “Ҷавонон – пайрави Пешвои миллат” мулоқот намуда, аз онҳо даъват намуд, ки дар рафти дарсҳову семинарҳои омӯзишие, ки дар лагер мегузаранд, фаъол бошанд, вақти худро босамар истифода намоянд ва лагери мазкурро чун василаи бо ҳам дӯсту ошно шудан истифода намоянд.
Тӯли 5 рӯз дар лагер ба ҷавонон семинарҳои омӯзишӣ, корҳои назариявӣ – амалӣ, озмуни иншои беҳтарин, озмуни рассоми беҳтарин гузаронида шуд ва дар охир ғолибон ба сертификату туҳфаҳо сарфароз гардиданд.
Рӯзи аввал иштирокчиён ба ҳам шинос шуданд. Барои ҷолиб гузаронидани рӯзҳои лагер онҳо ба гурӯҳҳо ҷудо шуда, ба худ ному шиорҳои махсус гузоштанд. Ва давоми рӯзҳои лагер гурӯҳҳо саҳнаҳои фарҳангӣ пешниҳод намуданд.
Таҳкими дӯстию рафоқат миёни ҷавонон ҳадафи асосии лагер ба шумор мерафт. Рафти лагер ва татбиқи нақшаи дар он пешбинишуда, ҷавононро бо ҳам тавре муттаҳид намуд, ки рӯзи охири лагер ҳамагӣ аз зуд гузаштани он афсӯс хӯрданд.
Ҳама иштирокчиён баъди анҷоми лагер бо хотироти неку дӯстони нав онро ҷамъбаст намуданд. Мо таассуроти чанд нафар иштирокчии лагерро пешкаши Шумо мегардонем:
Файзуллозода Солеҳҷон, донишҷӯи Донишкадаи исломӣ ба номи Имоми Аъзам:
- Баъди лагер дар китоби зиндагии ман як саҳифаи наву тоза, бо хотироти фарқкунанда илова гардид. Лагер омӯзишу семинарҳо, дарсҳои амалию назариявӣ, ки ҳамагӣ ҷолиб буданд, сабаби ин саҳифаи нав гардид. Ин бори аввал буд, ки ман ба шаҳри Гулистон омадаму аз зебоиҳои он дидан кардам. Бо мардуми он суҳбат намуда, аз расму русум ва одатҳои онҳо воқиф гардидам.
Мафтуна Суярзода, донишҷӯи Донишгоҳи давлатии Кӯлоб ба номи А. Рӯдакӣ:
-Мо ҷавонон аз он мефахрем, ки дар чунин давлати ободу зебо, дар фазои сулҳу субот, дар замони технологияи ҷадид дӯстона умр ба сар мебарему чунин як Сарвари донову оқил ва ғамхор насибамон гаштааст. Пешвои миллат ҷавононро узви ҷудонашавандаи ҷомеа ном гузошта, ҳамеша нисбати мо ғамхориҳои беандоза зоҳир менамоянд. Ҳамин бо ҳам омаданҳои мо аз тамоми манотиқи кишвар далели дастгириҳои падаронаи Пешвои миллат аст. Дар сояи ин ғамхориҳо мо меболему мерақсем ва ба тамоми гӯшаву канори кишвар сафар намуда, ёру дӯстон ва хотироти аҷибу зебо бо худ мегирем. Ҳар гоҳ, ки мо-ҷавонон дӯстиамонро мустаҳкамтар мекунем, тавассути ин дӯстию рафоқат даст ба дасти ҳам гузошта, баҳри ободию шукуфоии ватани азизамон – Тоҷикистон хизмати софдилонаву содиқона намоем.
Дилноза Бобоҷонова, аз шаҳри Конибодом:
- Шод аз онам, ки маро чун ҷавони фаъол интихоб карда, ба ин лагер даъват намуданд. Он муддате, ки ман ин ҷо будам, як ҷаҳон таассуроти нав ба худ гирифтам. Шодам, ки аз тамоми манотиқи кишвар барои худ дӯст пайдо кардам. Мақсади ин лагер ҳам пеш аз ҳама пайдо шудани меҳру дӯстӣ миёни мо, ҷавонон буд. Муносибату рафтори ҷавонони иштирокчӣ шаҳодат медиҳад, ки онҳо болотар аз як дӯст ба ҳам қарин гардиданд.
Шаҳнозаи Хуршед, хонандаи МТМУ №56 - и ноҳияи Сино:
- Ман бисёр шодам, ки яке аз иштирокчиёни лагер будаму дӯстони нав пайдо кардам. Аз ин ҷо хотироти хубу мондагор гирифтам. Барои ин ҳама шодиҳо ғамхориҳои Пешвои миллат муҳтарам Эмомалӣ Раҳмон ва ташаббуси масъулини Кумитаи кор бо ҷавонон ва варзиш сабаб шуданд. Аз ин рӯ миннатдории худро баҳри эшон изҳор менамоям, ки таваҷҷуҳи рӯзафзун нисбати мо зоҳир менамоянд. Мо низ кӯшиш менамоем, ки дар ҷавоб ба ин ғамхориҳо ватанамонро дӯст дорему онро ободу зебо гардонем.
Хуршед МАВЛОНОВ, “ҶТ”
Душанбе - Гулистон -
Душанбе
Субҳи 24-уми июли соли 2019 саҳни лагери тобистонаи “Шоҳин”-ро фазои дӯстию ваҳдат, рафоқату ҳамдигарфаҳмӣ пур карда буд. Ҷавонон дафтару қалам дар даст ба якдигар хотира мегузоштанд. “Аз дӯсти беҳтаринат...”, “Аз апаат...”, “Аз бародарат...” ва амсоли ин хотираҳои навиштаашонро нуқта мегузоштанд. Дар чашми ҳама андуҳи ҷудоӣ дида мешуд. Гӯё аз як ҳамхуну қаринашон ҷудо мешуда бошанд, ки ҳама ҷавонон бо алам сухан мегуфтанд. Ҳамзамон дар чашми онҳо як дурахши шодмониро низ дидан мумкин буд, шодмонӣ аз пайдо кардани дӯстону ҳамнишинони нав.
Лагери ҷумҳуриявии омӯзишӣ таҳти унвони “Ҷавонон – пайрави Пешвои миллат”, ки аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Созмони байналмилалии муҳоҷират таҳти сарпарастии Президенти Федератсияи футболи Тоҷикистон Рустами Эмомалӣ дар лагери тобистонаи “Шоҳин”, воқеъ дар шаҳри Гулистони вилояти Суғд, аз 20 то 24 июн баргузор гардид, аз тамоми манотиқи кишвар ҷавононро ба ҳам овард.
Субҳи 20 июн, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо иштирокчиёни лагери омӯзишии “Ҷавонон – пайрави Пешвои миллат” мулоқот намуда, аз онҳо даъват намуд, ки дар рафти дарсҳову семинарҳои омӯзишие, ки дар лагер мегузаранд, фаъол бошанд, вақти худро босамар истифода намоянд ва лагери мазкурро чун василаи бо ҳам дӯсту ошно шудан истифода намоянд.
Тӯли 5 рӯз дар лагер ба ҷавонон семинарҳои омӯзишӣ, корҳои назариявӣ – амалӣ, озмуни иншои беҳтарин, озмуни рассоми беҳтарин гузаронида шуд ва дар охир ғолибон ба сертификату туҳфаҳо сарфароз гардиданд.
Рӯзи аввал иштирокчиён ба ҳам шинос шуданд. Барои ҷолиб гузаронидани рӯзҳои лагер онҳо ба гурӯҳҳо ҷудо шуда, ба худ ному шиорҳои махсус гузоштанд. Ва давоми рӯзҳои лагер гурӯҳҳо саҳнаҳои фарҳангӣ пешниҳод намуданд.
Таҳкими дӯстию рафоқат миёни ҷавонон ҳадафи асосии лагер ба шумор мерафт. Рафти лагер ва татбиқи нақшаи дар он пешбинишуда, ҷавононро бо ҳам тавре муттаҳид намуд, ки рӯзи охири лагер ҳамагӣ аз зуд гузаштани он афсӯс хӯрданд.
Ҳама иштирокчиён баъди анҷоми лагер бо хотироти неку дӯстони нав онро ҷамъбаст намуданд. Мо таассуроти чанд нафар иштирокчии лагерро пешкаши Шумо мегардонем:
Файзуллозода Солеҳҷон, донишҷӯи Донишкадаи исломӣ ба номи Имоми Аъзам:
- Баъди лагер дар китоби зиндагии ман як саҳифаи наву тоза, бо хотироти фарқкунанда илова гардид. Лагер омӯзишу семинарҳо, дарсҳои амалию назариявӣ, ки ҳамагӣ ҷолиб буданд, сабаби ин саҳифаи нав гардид. Ин бори аввал буд, ки ман ба шаҳри Гулистон омадаму аз зебоиҳои он дидан кардам. Бо мардуми он суҳбат намуда, аз расму русум ва одатҳои онҳо воқиф гардидам.
Мафтуна Суярзода, донишҷӯи Донишгоҳи давлатии Кӯлоб ба номи А. Рӯдакӣ:
-Мо ҷавонон аз он мефахрем, ки дар чунин давлати ободу зебо, дар фазои сулҳу субот, дар замони технологияи ҷадид дӯстона умр ба сар мебарему чунин як Сарвари донову оқил ва ғамхор насибамон гаштааст. Пешвои миллат ҷавононро узви ҷудонашавандаи ҷомеа ном гузошта, ҳамеша нисбати мо ғамхориҳои беандоза зоҳир менамоянд. Ҳамин бо ҳам омаданҳои мо аз тамоми манотиқи кишвар далели дастгириҳои падаронаи Пешвои миллат аст. Дар сояи ин ғамхориҳо мо меболему мерақсем ва ба тамоми гӯшаву канори кишвар сафар намуда, ёру дӯстон ва хотироти аҷибу зебо бо худ мегирем. Ҳар гоҳ, ки мо-ҷавонон дӯстиамонро мустаҳкамтар мекунем, тавассути ин дӯстию рафоқат даст ба дасти ҳам гузошта, баҳри ободию шукуфоии ватани азизамон – Тоҷикистон хизмати софдилонаву содиқона намоем.
Дилноза Бобоҷонова, аз шаҳри Конибодом:
- Шод аз онам, ки маро чун ҷавони фаъол интихоб карда, ба ин лагер даъват намуданд. Он муддате, ки ман ин ҷо будам, як ҷаҳон таассуроти нав ба худ гирифтам. Шодам, ки аз тамоми манотиқи кишвар барои худ дӯст пайдо кардам. Мақсади ин лагер ҳам пеш аз ҳама пайдо шудани меҳру дӯстӣ миёни мо, ҷавонон буд. Муносибату рафтори ҷавонони иштирокчӣ шаҳодат медиҳад, ки онҳо болотар аз як дӯст ба ҳам қарин гардиданд.
Шаҳнозаи Хуршед, хонандаи МТМУ №56 - и ноҳияи Сино:
- Ман бисёр шодам, ки яке аз иштирокчиёни лагер будаму дӯстони нав пайдо кардам. Аз ин ҷо хотироти хубу мондагор гирифтам. Барои ин ҳама шодиҳо ғамхориҳои Пешвои миллат муҳтарам Эмомалӣ Раҳмон ва ташаббуси масъулини Кумитаи кор бо ҷавонон ва варзиш сабаб шуданд. Аз ин рӯ миннатдории худро баҳри эшон изҳор менамоям, ки таваҷҷуҳи рӯзафзун нисбати мо зоҳир менамоянд. Мо низ кӯшиш менамоем, ки дар ҷавоб ба ин ғамхориҳо ватанамонро дӯст дорему онро ободу зебо гардонем.
Хуршед МАВЛОНОВ, “ҶТ”
Душанбе - Гулистон -
Душанбе
Хабарҳои дигар
Рӯзнома
Эзоҳи худро нависед