ҶАВОНОН
Якшанбе 28 Апрел 2024 09:57
Зани миллиардер – ин падидаи камназир ва нодирест барои тамоми дунё. Дар ҳоле ки дар рӯйхати маҷаллаи машҳуру бонуфузи Forbes аксари чунин ашхосро мардҳо ташкил медиҳанд. Бешак, ҳамсари ҳар як миллиардер метавонад худро дар шумори чунин занҳо гузошта бошад, вале каманд шумори он занҳое, ки ҳама сарвату боигарӣ ва шуҳрату мартабаро бо ақлу заковат ва заҳматҳои шахсӣ ба даст оварда бошанд. Ву Яхун (У. Ятсзюн) чанд сол қабл тибқи рӯйхати маҷаллаи Forbes сарватмандтарин зани сайёра эътироф гардид.
ШАВҚУ ЗАВҚ ВА ТАҲСИЛ
У Ятсзюн соли 1964 дар шаҳри Чункини Чин ба дунё омадааст. Аз хурдсолӣ ба лоиҳакашӣ ва масоили сохтмонӣ таваҷҷуҳи хосса зоҳир менамуд. Маҳз аз ҳамин сабаб аллакай дар 16-солагӣ ба яке аз муассисаҳои олии машҳури Чин – Донишгоҳи саноатии шимолу ғарбӣ дохил шуда, онро бо дипломи аъло хатм намуд. Бояд қайд намуд, ки он замон тибқи озмун 200 нафар бояд қабул мешуд ва синну соли миёнаи довталабон 21-ро ташкил медод. Баъдан, муддати 4 сол Яхун дар заводе ба ҳайси муҳандис кор карда, сипас дар яке аз рӯзномаҳои шаҳрии Чин ба ҳайси рӯзноманигор ба фаъолият оғоз намуд.
ТИҶОРАТИ МАРДОНА
Баъди якчанд сол ин миллиардерзани оянда ба вазифаи сармуҳаррири ин рӯзнома таъин гардид, вале одатан ҳамеша бо ашхоси машҳури давр, ашхоси сарватманду муваффақ, сармоягузорон суҳбатҳо доир менамуд. Ғайр аз ин, ӯ ба таври иловагӣ дар яке аз ширкатҳои тиҷоратӣ ба ҳайси менеҷер ба кор даромад, то ин соҳаро аз наздик омӯзад. Вақте баъди чанд сол аз Ятсзюн пурсиданд, ки чаро ӯ чунин касбро, ё ба қавле “тиҷорати мардона”-ро интихоб намуд, ӯ ҷавоби одие дод. Соли 1990, вақте Ятсзюн барои худ хона харид, ҳангоми таъмиру тармими он, ки зиёда аз се сол идома ёфт, ӯ ҳаминро дарк кард, ки ноустувории бозори сохтмонӣ дар Чин ва имконияти мол андӯхтан ҳамрадифанд.
МУВАФФАҚИЯТҲОИ НАХУСТИН ДАР ТИҶОРАТ
У Ятсзюн бо кӯмаку дастгирии сармоягузорон нахустин ширкати сохтмонии худро бо номи Jiacheng Economic Development Company ва маблағгузории зиёда аз 10 миллион юан таъсис дод. Он замон ӯ ҳамагӣ 29 сол дошт. Баъди чанде ширкат ба Longfor Properties тағйири ном кард, ки новобаста аз мушкилоти зиёд дар бозори Чин то имрӯз бо ин ном фаъолият намудаву даромади хубе меорад. Он ба сохтмони иморатҳои бузург, кушку чорбоғҳо, бӯстонсароҳои беруназшаҳрӣ машғул буда, дар бозори калонтарини сохтмонии Чин пешсаф мебошад. Шиори ин ширкат - “Барои худ сарфа накун!”, новобаста аз нарху навои баланд нисбати рақибон, ҷиҳати куллан аз худ намудани қоидаву қонуни бозор мусоидат намуд. Ин имкон фароҳам овард, то У Ятсзюн молу сарвати худро бо суръати рӯзафзун зиёд намуда, дар радифи сарватмандтарин ашхоси Чин қарор гирад.
Соли 1994 ширкати Longfor Properties дар тендери сохтмонӣ дар шаҳри Чункин ҷои аввалро соҳиб гашт, ки ин парвози нахустини мақому шуҳрат барои ин зани ҷавон гардид. Соли 2009 Ву Яхун ширкати худро ба биржаи фурӯши Гонконг баровард, ки дороии он 4 миллиард долларро ташкил медод. Соли 2012 сарвати Ву Яхун зиёда аз 5,5 миллиард долларро ташкил додаву ӯ дар рӯйхати сарватмандтарин ашхоси сайёра қарор гирифт.
АСРОРИ МУВАФФАҚИЯТ
Бояд гуфт, ки маънои номи ин зани миллиардер “Артиши машҳури Осиё” буда, он тарзу услуби кор ва пешбурди тиҷорати ӯро муайян мекунад. Ӯ асосан 18 соат кор карда, ҳангоми зарурат сарфакорӣ мекунаду баъзан ба таваккал низ роҳ медиҳад. Меҳнати кормандро қадр мекунаду худ 24 соат дар як шабонарӯз барои ҳама дастрас аст. Тамоми кормандон ба принсипҳо ва қоидаҳои кории ӯ итоат мекунанд, чун нисбати худ ва кормандон хеле сахтгиру серталаб аст. Дар ширкати ӯ чунин қоида амал мекунад: агар 2 маротиба огоҳ накунӣ, ки дар дохили тайёра ва дастрас нестӣ, аз кор озод хоҳӣ шуд!
ТИҶОРАТ - ҲАЁТ
Одатан заҳматталабӣ ва меҳнатдӯстӣ хоси мардуми Чин мебошад. Ин аст, ки мафҳуми “тиҷорат” барои онҳо маънои “ҳаёт”-ро дорад. Онҳо асло ба худ ва дигарон чунин суол намедиҳанд: “Пул барои чӣ даркор аст?”. Балки фақат мераванду пул кор мекунанд.
ҲАВАСМАНДГАРДОНИИ КОРМАНД – АМАЛИ САМАРАБАХШ
Ву Яхун хеле шахси фурӯтану шикастанафс аст. Ӯ дар ширкати начандон калон кор мекунаду котиба надорад ва вохӯриҳои кориро дар муассисаҳои гуногун ва хеле хоксорона доир мекунад. Аммо ӯ асло маблағро барои беҳтар кардани тарзи ҳаёт ва баланд бардоштани музди меҳнати кормандони беҳтаринаш дареғ намедорад. Ғайр аз ин, қабл аз амалисозии лоиҳаҳои бузург ва ё баъди супоридани иншоот ӯ кормандони беҳтарини худро бо додани рухсатии дуҳафтаинаи музднок бо сафар кардан ба истироҳатгоҳҳои беҳтарини дунё аз ҳисоби ширкат ҳавасманд мегардонад. Ву Яхун маҳз ҳавасмандгардонии кормандонро амали аз ҳама самарабахш меҳисобад. “Хеле нафратовар аст, вақте нафаре боигарии рӯзафзун дораду ба одамон, ба ҷамъият, ба кормандони худ манфиате оварда наметавонад. Пас, ин дороӣ барои чӣ лозим аст?”, - мегӯяд Ву Яхун.
ИНТИХОБИ ДУРУСТ
Ин зани миллиардер ба дурустии интихоби худ заррае шакку шубҳа надорад. Ҳатто баъди он ки Ҳукумати Чин соли 2011 пардохти андозро баланд бардошту чораҳои мубориза алайҳи ҳаннотӣ дар ин самт пурзӯр гардид, бо вуҷуди ин пайдоиши ширкатҳои зиёди ҷадид рақобатро афзунтар мегардонид. Буҳрони молиявии ҷаҳонӣ низ, ки таи чанд соли охир ҷараён дошт, иродаи Ву Яхунро шикаставу ӯро аз майдони набард берун карда натавонист. Ягона чизе, ки ӯ меҳаросад, ин гум кардани мавқеи пешгомӣ дар миёни занҳои миллиардери сайёра мебошад.
ШАВҚУ ЗАВҚ ВА ТАҲСИЛ
У Ятсзюн соли 1964 дар шаҳри Чункини Чин ба дунё омадааст. Аз хурдсолӣ ба лоиҳакашӣ ва масоили сохтмонӣ таваҷҷуҳи хосса зоҳир менамуд. Маҳз аз ҳамин сабаб аллакай дар 16-солагӣ ба яке аз муассисаҳои олии машҳури Чин – Донишгоҳи саноатии шимолу ғарбӣ дохил шуда, онро бо дипломи аъло хатм намуд. Бояд қайд намуд, ки он замон тибқи озмун 200 нафар бояд қабул мешуд ва синну соли миёнаи довталабон 21-ро ташкил медод. Баъдан, муддати 4 сол Яхун дар заводе ба ҳайси муҳандис кор карда, сипас дар яке аз рӯзномаҳои шаҳрии Чин ба ҳайси рӯзноманигор ба фаъолият оғоз намуд.
ТИҶОРАТИ МАРДОНА
Баъди якчанд сол ин миллиардерзани оянда ба вазифаи сармуҳаррири ин рӯзнома таъин гардид, вале одатан ҳамеша бо ашхоси машҳури давр, ашхоси сарватманду муваффақ, сармоягузорон суҳбатҳо доир менамуд. Ғайр аз ин, ӯ ба таври иловагӣ дар яке аз ширкатҳои тиҷоратӣ ба ҳайси менеҷер ба кор даромад, то ин соҳаро аз наздик омӯзад. Вақте баъди чанд сол аз Ятсзюн пурсиданд, ки чаро ӯ чунин касбро, ё ба қавле “тиҷорати мардона”-ро интихоб намуд, ӯ ҷавоби одие дод. Соли 1990, вақте Ятсзюн барои худ хона харид, ҳангоми таъмиру тармими он, ки зиёда аз се сол идома ёфт, ӯ ҳаминро дарк кард, ки ноустувории бозори сохтмонӣ дар Чин ва имконияти мол андӯхтан ҳамрадифанд.
МУВАФФАҚИЯТҲОИ НАХУСТИН ДАР ТИҶОРАТ
У Ятсзюн бо кӯмаку дастгирии сармоягузорон нахустин ширкати сохтмонии худро бо номи Jiacheng Economic Development Company ва маблағгузории зиёда аз 10 миллион юан таъсис дод. Он замон ӯ ҳамагӣ 29 сол дошт. Баъди чанде ширкат ба Longfor Properties тағйири ном кард, ки новобаста аз мушкилоти зиёд дар бозори Чин то имрӯз бо ин ном фаъолият намудаву даромади хубе меорад. Он ба сохтмони иморатҳои бузург, кушку чорбоғҳо, бӯстонсароҳои беруназшаҳрӣ машғул буда, дар бозори калонтарини сохтмонии Чин пешсаф мебошад. Шиори ин ширкат - “Барои худ сарфа накун!”, новобаста аз нарху навои баланд нисбати рақибон, ҷиҳати куллан аз худ намудани қоидаву қонуни бозор мусоидат намуд. Ин имкон фароҳам овард, то У Ятсзюн молу сарвати худро бо суръати рӯзафзун зиёд намуда, дар радифи сарватмандтарин ашхоси Чин қарор гирад.
Соли 1994 ширкати Longfor Properties дар тендери сохтмонӣ дар шаҳри Чункин ҷои аввалро соҳиб гашт, ки ин парвози нахустини мақому шуҳрат барои ин зани ҷавон гардид. Соли 2009 Ву Яхун ширкати худро ба биржаи фурӯши Гонконг баровард, ки дороии он 4 миллиард долларро ташкил медод. Соли 2012 сарвати Ву Яхун зиёда аз 5,5 миллиард долларро ташкил додаву ӯ дар рӯйхати сарватмандтарин ашхоси сайёра қарор гирифт.
АСРОРИ МУВАФФАҚИЯТ
Бояд гуфт, ки маънои номи ин зани миллиардер “Артиши машҳури Осиё” буда, он тарзу услуби кор ва пешбурди тиҷорати ӯро муайян мекунад. Ӯ асосан 18 соат кор карда, ҳангоми зарурат сарфакорӣ мекунаду баъзан ба таваккал низ роҳ медиҳад. Меҳнати кормандро қадр мекунаду худ 24 соат дар як шабонарӯз барои ҳама дастрас аст. Тамоми кормандон ба принсипҳо ва қоидаҳои кории ӯ итоат мекунанд, чун нисбати худ ва кормандон хеле сахтгиру серталаб аст. Дар ширкати ӯ чунин қоида амал мекунад: агар 2 маротиба огоҳ накунӣ, ки дар дохили тайёра ва дастрас нестӣ, аз кор озод хоҳӣ шуд!
ТИҶОРАТ - ҲАЁТ
Одатан заҳматталабӣ ва меҳнатдӯстӣ хоси мардуми Чин мебошад. Ин аст, ки мафҳуми “тиҷорат” барои онҳо маънои “ҳаёт”-ро дорад. Онҳо асло ба худ ва дигарон чунин суол намедиҳанд: “Пул барои чӣ даркор аст?”. Балки фақат мераванду пул кор мекунанд.
ҲАВАСМАНДГАРДОНИИ КОРМАНД – АМАЛИ САМАРАБАХШ
Ву Яхун хеле шахси фурӯтану шикастанафс аст. Ӯ дар ширкати начандон калон кор мекунаду котиба надорад ва вохӯриҳои кориро дар муассисаҳои гуногун ва хеле хоксорона доир мекунад. Аммо ӯ асло маблағро барои беҳтар кардани тарзи ҳаёт ва баланд бардоштани музди меҳнати кормандони беҳтаринаш дареғ намедорад. Ғайр аз ин, қабл аз амалисозии лоиҳаҳои бузург ва ё баъди супоридани иншоот ӯ кормандони беҳтарини худро бо додани рухсатии дуҳафтаинаи музднок бо сафар кардан ба истироҳатгоҳҳои беҳтарини дунё аз ҳисоби ширкат ҳавасманд мегардонад. Ву Яхун маҳз ҳавасмандгардонии кормандонро амали аз ҳама самарабахш меҳисобад. “Хеле нафратовар аст, вақте нафаре боигарии рӯзафзун дораду ба одамон, ба ҷамъият, ба кормандони худ манфиате оварда наметавонад. Пас, ин дороӣ барои чӣ лозим аст?”, - мегӯяд Ву Яхун.
ИНТИХОБИ ДУРУСТ
Ин зани миллиардер ба дурустии интихоби худ заррае шакку шубҳа надорад. Ҳатто баъди он ки Ҳукумати Чин соли 2011 пардохти андозро баланд бардошту чораҳои мубориза алайҳи ҳаннотӣ дар ин самт пурзӯр гардид, бо вуҷуди ин пайдоиши ширкатҳои зиёди ҷадид рақобатро афзунтар мегардонид. Буҳрони молиявии ҷаҳонӣ низ, ки таи чанд соли охир ҷараён дошт, иродаи Ву Яхунро шикаставу ӯро аз майдони набард берун карда натавонист. Ягона чизе, ки ӯ меҳаросад, ин гум кардани мавқеи пешгомӣ дар миёни занҳои миллиардери сайёра мебошад.
Хабарҳои дигар
Рӯзнома
Эзоҳи худро нависед