25 апрел дар хобгоҳи №3-и Донишгоҳи техникии Тоҷикистон ба номи академик М. Осимӣ мулоқоти намояндагони вазорату идораҳои гуногун бо донишҷӯён баргузор гардид.

Дилноза Аҳмадзода, муовини раиси Кумитаи ҷавонон, варзиш ва сайёҳии назди Ҳукумати кишвар, зимни суханронӣ донишҷӯёнро ба муносибати “Соли ҷавонон” табрик намуда афзуд, ки “Мо - ҷавононро зарур аст, ки ин солро дар сатҳи баланду хотирмон пешвоз гирем, то солҳои дароз фаромӯш нашавад ва наслҳои баъдӣ аз он бо некӣ ёдовар шаванд”.

Дар ҷараёни мулоқот ҳамчунин сатҳи одобу ахлоқи ҷавонон, нақши онҳо дар ҷомеаи имрӯза ва ҳурмату эҳтиром намудани волидайн аз ҷониби ҷавонон баррасӣ гардида, аз ҷавонон тақозо шуд, ки ватандӯсту саҳмгузор дар рушди соҳаҳои гуногуни кишвар бошанд.

Дар фарҷоми мулоқот байни донишҷуён ва намояндаҳо суҳбати озод сурат гирифта, иштирокчиёни ҳамоиш ҳамчунин бо шароити зисту зиндагӣ ва имкониятҳои хобгоҳи донишҷӯён шинос шуданд.

Меҳрубон ИМОМОВА, “ҶТ”