11 май соли равон дар ҷамоати деҳоти Калелини ноҳияи Ҷалолиддини Балхӣ бахшида ба “Соли ҷавонон” чорабинии фарҳангӣ баргузор гардид.

Дар чорабинии мазкур мудири шуъбаи рушди иҷтимоии ноҳия Раҷабалӣ Абдуллоев, мудири бахши ҷавонон, варзиш ва сайеҳӣ Қурбонзода Хуршед ва раиси ҷамоати деҷоти Каленин Собир Ризоев иштирок ва суханронӣ намуданд.

Мақсад аз баргузор намудани чунин чорабиниҳо ҷалби наврасону ҷавонон ба илмомӯзию донишандӯзӣ ва шиносоӣ аз осори гузаштагон мебошад.

- “Соли ҷавонон” дар ҳайёти ҷавонони мамлакат як руҳияи тоза бахшида истодааст ва ҷавоб ба чунин ғамхориҳо моро зарур аст, ки даст ба дасти ҳам дода, аз ҳар вақта бештар меҳнат кунем, кӯшиш намоем, ки донишҳои замонавӣ дошта бошем ва бо интихоби дурусти касб баҳри ободиву пешрафти сарзамини аҷдодӣ ва ҳимояи Ватани азизамон саъю талош намоем гуфт,- Раҷабалӣ Абдуллоев, мудири шуъбаи рушди иҷтимоии ноҳияи Ҷалолиддини Балхӣ.

Дар чорабинӣ зиеда аз 300 нафар ҷавонони ҷамоат дастовардҳои худро ба маърази тамошо гузошта, аз тарфи бахш ҷавонон, варзиш ва сайеҳии ноҳия ба фаъолони чорабинӣ диплом ва туҳфаҳо тақдим гардид.

Умед Мирзоев, “ҶТ”