Таҳти ин унвон 22 сентябр дар толори факултети таърих ва ҳуқуқи Муассисаи давлатии таълимии "Донишгоҳи давлатии Хуҷанд ба номи академик Бобоҷон Ғафуров" мулоқот доир гардид.

Дар мулоқот сардори Раёсати кор бо ҷавонон ва варзиши вилояти Суғд Каримзода Мирзоқосим, муовини ректор оид ба корҳои тарбия Усмонов Аюбҷон, мудири шуъбаи тарбия Шомирзоев Бахтиёр ва мудири шуъбаи кор бо ҷавонон Исмоилов Хайёмиддин иштирок ва перомуни мавзуъҳои мубрами ҷомеаи муосир ибрози назар намуданд.

Маъракаи муҳимми сиёсӣ - интихоботи Президенти Ҷумҳурии Тоҷикистон аз мавзӯъҳои меҳварии ин мулоқот буд. Таъкид гардид, ки саҳми фарзонафарзанди миллат Эмомалӣ Раҳмон ҷиҳати таъмини сулҳ, таҳкими амнияти миллӣ, сарҷамъ гардонидани халқ ва таҳкими суботи сиёсии кишвар созанда, муассир ва калидӣ аст.

Ҳамзамон, дар доираи мулоқот масоили нақши ҷавонон ҷиҳати ҳимояи истиқлоли миллӣ, таъмини суботи сиёсӣ, пешгирӣ аз гароиш ба ақидаҳои ифротӣ ва динӣ, шеваҳои муосири мубориза бо зуҳуроти номатлуб мавриди баррасӣ қарор гирифтанд.