Имрӯз, 22 ноябр ба ифтихори Рӯзи Парчами давлатии Ҷумҳурии Тоҷикистон дар маркази ВМКБ, шаҳри Хоруғ роҳпаймоӣ ва чорабинии тантанавӣ баргузор гардид.

Нахуст роҳбарону кормандони мақомоти ҳокимияти давлатии вилоят ва шаҳри Хоруғ, аҳли маориф ва илм, идораву муассисаҳои маҳаллӣ, сохторҳои қудративу низомиён, соҳаи кор бо ҷавонон ва варзиш, ҷавонону наврасон аз варзишгоҳи марказӣ то майдони Исмоили Сомонӣ бо Парчами муқаддаси кишвар, аксҳои Қаҳрамонони Тоҷикистон ва шиору овезаҳо ҳаракат карданд.

Дар Боғи Парчами майдони болозикр ҷамъомадагонро раиси ВМКБ Ёдгор Файзов, муовинони аввали раисони вилояту шаҳр Алишер Мирзонаботов ва Зуробек Бурибекзода ба муносибати ин ҷашн таҳният гуфта, дар шахсияти онҳо ҳамаи тоҷикони дунёро табрик намуданд.

Сипас барномаи ҷолиби консертӣ бо ширкати беҳтарин ҳофизони вилоят пешкаши ҳозирин гашт.