Зери ин ном дар Донишкадаи идоракунии давлатии назди Президенти Ҷумҳурии Тоҷикистон бахшида Рӯзи ҷавонони Тоҷикистон чорабинии фарҳангӣ - маърифатӣ баргузор гардид.

Ғафурзода Абдухалил Давлаталӣ, hектори Донишкадаи идоракунии давлатии назди Президенти Ҷумҳурии Тоҷикистон, нахуст  ҳозиринро ба Рӯзи ҷавонони Тоҷикистон табрик намуда иброз дошт, ки татбиқи босамари сиёсати давлатии ҷавонон аз рўзҳои нахустини соҳибистиқлолӣ дар меҳвари таваҷҷуҳи Пешвои миллат ва Ҳукумати кишвар қарор дорад. Зеро имрӯз ҷавонони мо ба сифати як неруи ниҳоят пуриқтидори бунёдкору ташаббускор ва пайравони асили Пешвои миллат дар ҳаёти сиёсӣ - фарҳагии кишвар шинохта ва эътироф шудаанд.

Дилноза Аҳмадзода, табрикоти роҳбарияти Кумитаи кор бо ҷавонон ва варзишро ба иштирокчиён расонида, иброз намуд, ки ҳамасола дар сатҳи баланди ҷамъиятиву сиёсӣ таҷлил гардидани Рӯзи ҷавонон шаҳодати ғамхориҳои пайвастаи Пешвои миллат ва Ҳукумати кишвар нисбат ба насли ҷавони кишвар мебошад. 

Дар рафти чорабинӣ аз номи раёсати Донишкада ба устодону донишҷӯёне, ки дар олимпиадаҳои ҷумҳуриявӣ ва чорабиниҳои варзишӣ иштирок намуда, сазовори ҷойҳои намоён гардидаанд, бо ифтихорномаву сипоснома ва мукофоти пулӣ сарфароз гардонида шуданд.  
Барномаи рангини фарҳангӣ анҷомбахши чорабинӣ гардид.