ҶАВОНОН
Ҷумъа 24 Май 2019 07:44
5556
Санаи 11-уми март, дар Театри академӣ-драмавии ба номи А.Лоҳутии шаҳри Душанбе Рӯзи матбуоти тоҷик ҷашн гирифта шуд.

Нахуст, Шамсиддин Орунбекзода, вазири фарҳанги Ҷумҳурии Тоҷикистон ҳамаи рӯзноманигоронро ба иди касбиашон табрику муборакбод гуфтанд ва сипас Абдуҷаббор Раҳмонзода, Ёрдамчии Президент оид ба масъалаҳои рушди иҷтимоӣ ва робита бо ҷомеа аз номи Президенти Ҷумҳурии Тоҷикистон муҳтарам Эмомалӣ Раҳмон ҳамаи ҳозирин ва дар симои онҳо тамоми рӯзноманигоро бахшида ба Рӯзи матбуот табрик намуданд.

Раиси Иттифоқи журналистони Тоҷикистон Зинатулло Исмоилзода дар ибтидо кулли рӯзноманигоронро ба иди касбияшон табрик гуфта, сипас ба супоридани ҷоизаҳо дар соли 2018 оғоз бахшиданд.

Дар наминатсияи авввал Ҷоизаи Иттифоқи журналистони Тоҷикистон ба номи А.Лоҳутӣ ба 4 чор нафар, се нафар дар бахши матбуот ва як нафар дар бахши телевизион дода шуд.

Ҳамин тавр ҷоизадорони ҷоизаи Лоҳутӣ дар бахши матбуот, Зафар Мирзоев, Зариф Ғулом, Ҳафиз Раҳмон ва дар бахши телевизион Умед Ҷумаев гардиданд.

Дар чорабинии мазкур инчунин беҳтаринҳои сол муайян шуданд. Дар натиҷа аз ҷониби Иттифоқи журналистони Тоҷикистон нашрияи сол ҳафтаномаи “Омӯзгор”, дастарастарин мақомоти давлатӣ Мақомоти иҷроияи шаҳри Душанбе, радиои сол радиои “Фарҳанг”, телевизиони сол телевизиони “Баҳористон”, маҷаллаи соҳавии сол маҷаллаи “Сарзамин”, маркази матбуотии сол маркази Кумитаи ҳолатҳои фавкулодда ва мудофиаи граждании назди Ҳукумати Ҷумҳурии Тоҷикистон, сармуҳаррири сол Шариф Ҳамдампур, агентии иттилоотии сол АМИТ “Ховар”, ношири сол “Шарқи Озод” ва журналисти сол шодравон Холмаҳмад Мавлонов дар соли 2018 эълон шуданд.

Дар идома ҳамчунин дигар рӯзноманигорону собиқадорони соҳа бо мукофотҳои соҳавӣ бахшида ба Рӯзи матбуоти тоҷик сарфароз гардонида шуданд.

Беҳрӯз ХОЛМУРОДОВ, Ҳафизуллоҳ ТОҲИРӢ, “ҶТ”


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Май 2019 c.