ҶАВОНОН
Ҷумъа 07 Октябр 2022 02:08
5090

Дар ноҳияи Деваштич Рӯзи Президент ва ифтитоҳи чархаи якуми НБО “Роғун”, ки бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истифода супорида шуд, бо шукуҳу шаҳомати хоса таҷлил гардид.

Дар рафти таҷлил намояндагони ҷамоатҳо, ташкилоту корхонаҳо ва хонандагони муассисаҳои таълимии ҳудуди шаҳрак зиёда аз 2000 нафар бо шиору овезаҳо, парчам ва расмҳои Пешвои миллат ба роҳпаймоӣ баромаданд.

Пас аз роҳпаймоӣ дар назди Қасри фарҳанги ноҳия чорабинии фарҳангӣ бахшида ба ин санаҳои муқаддас доир гардид.

Рустам Ҷӯразода, раиси ноҳия зимни баромади хеш кулли сокинони ноҳияро ба ин санаҳои муҳим табрику муборакбод намуда, иброз дошт, ки “бузургтарин иқдоми замони даврони соҳибистиқлолии мо дар баробари сулҳу субот ин сохтмони нерӯгоҳи барқии обии “Роғун” мебошад. Ин рӯйдоди сарнавиштсози миллати тоҷик, яъне Рӯзи Президент ва ифтитоҳи чархи якуми нерӯгоҳ бо ҳарфҳои заррин дар таърих сабт хоҳад шуд”.

Сипас, Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронӣ намуда, тамоми сокинони ноҳияи Деваштичро бо ин санаҳои хотирмон табрик намуд.

Дар интиҳои чорабинӣ баҳри болидарӯҳии иштирокчиён аз ҷониби кормандони бахши фарҳанги ноҳия барномаи хуби фарҳангӣ пешкаш гардид.

Лоиқ Тӯйчиев, ноҳияи Деваштич

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Октябр 2022 c.