Дар толори “Қасри фарҳанг”-и ноҳияи Ховалинг мулоқоти намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шоҳзод Раҳимов бо ҷавонони касбу кори гуногун ва оилаҳои ҷавон баргузор шуд.

Дар рафти вохӯрӣ қайд гардид, ки ҷавонон аз сиёсати пешгирифтаи Асосгузори сулҳу ваҳдати миллӣ, Пешвои миллат мӯҳтарам Эмомалӣ Раҳмон ҷонибдорӣ намуда, онҳо барои ободӣ, сарзабзӣ ва гулгуншукуфоии ватани азизамон камари ҳиммат баста, 30 солагии Истиқлолияти давлатии Тоҷикистони азизро сазовор пешвоз мегиранд.

Ёдовар мешавем, ки Кумитаи кор бо ҷавонон ва варзиш дар ноҳияи Ховалинг силсилачорабиниҳои гуногунро ба нақша гирифта, онро бо фарогирии ҷавонону наврасон, варзишгарон ва шаҳрвандони касбу кори гуногун дар сатҳи баланд доир хоҳад кард.