ҶАВОНОН
Якшанбе 16 Июн 2024 03:53
2630
Дар назди Раёсати кор бо занон ва оилаи мақомоти иҷроияи ҳокимияти давлатии вилояти Хатлон Шӯрои соҳибкорзанон ба кори худ оғоз намуд, ки ҳадафаш дастгирии занони ҷавон барои соҳибкорӣ мебошад. Дар ин бора аз Шуъбаи иттилооти ҳукумати вилояти Хатлон ба "Ҷавонони Тоҷикистон" хабар доданд.

Шӯрои нахустини соҳибкорзанон рӯзи 1 апрели соли 2017 дар шаҳри Қӯрғонтеппа баргузор гардид, ки муовини раиси вилояти Хатлон Махфират Хидирзода, сардори Раёсати кор бо занон ва оилаи мақомоти иҷроияи ҳокимияти давлатии вилояти Хатлон Раъно Раҳимзода ва соҳибкорзанон аз навоҳии вилояти Хатлон иштирок намуданд.

Махфират Хидирзода, иброз дошт, ки "Дар сиёсати давлатдории Тоҷикистон ҳуқуқу мавқеи зан калидӣ буда, бо ташаббуси Асосгузори сулҳу ваҳдаи миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқдомҳои наҷиб оид ба баланд бардоштани мавқеи зан дар ҷомеа дастгирӣ ёфт"

Ҳадаф аз таъсиси Шӯро фаъолияти занони соҳибкори вилоят ва ҷалби занон ба соҳибкорӣ дар сиёсати кории ҳукумати кишвар қарор дорад ва ҳаминаст, ки соҳибкорӣ дар миёни занони Хатлон рушд мекунад. Соли гузашта гранти раиси вилояти Хатлон низ ба бонувони соҳибкор дода шуда буд, ки ин як дастгирии занони соҳибкор дар Хатлон шаҳодат медиҳад.

Умед Мирзоев, "ҶТ"

Эзоҳи худро нависед



Рамзҳо дар расм