Имрӯз дар толори китобхонаи Коллеҷи омӯзгории шаҳри Кӯлоб, бахшида ба таҷлили 20 солагии Ваҳдати миллӣ ва “Соли ҷавонон”, мизи мудаввар таҳти унвони "Ваҳдати миллӣ ва аҳамияти таърихии он" баргузор гардид.

Дар ин ҳамоиш Ғиёсиддин Достиев, мудири бахши ҷавонон, варзиш ва сайёҳии шаҳр, Маҳинбону Шарипова, мутахассиси кор бо ҷавонони шаҳр, Оминаи Рустам, мудири шуъбаи кор бо занон ва оилаи мақомоти шаҳр ва донишҷӯёну омӯзгорони Коллеҷ иштирок карданд.

“-Қаҳрамонии Асосгузори сулҳи ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саҳифаҳои таърих бо ҳарфҳои заррин сабт гардида, наслҳои ҳозира ва ояндаи тамаддунофари мо бояд ин дастовардҳоро донанд ва аз он сабақ гиранд”, - гуфт Ғиёсиддин Достиев.

Гуфта шуд, ки вазифаи ҳар як шахси худогоҳу худшинос, ватандӯсту ватанпарвар аз он иборат аст, ки Ваҳдати миллиро чун гавҳари бебаҳо ва дастоварди ниҳоят бузург ҳифз намояд ва онро дар радифи дигар муқаддасоти миллат пос ва гиромӣ дорад.

Умед Мирзоев, “ҶТ”