Дар Донишгоҳи давлатии Хоруғ ба номи Моёншо Назаршоев ба муносибати пирӯзии Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар интихоботи Президенти Ҷумҳурии Тоҷикистон бо иштироки донишҷӯёни донишгоҳ ва ҷавонони вилоят ҷамъомади тантанавӣ баргузор шуд.

Чорабинӣ бо ташаббуси Раёсати кор бо ҷавонон ва варзиши вилоят ва Шуъбаи кор бо ҷавонони донишгоҳ доир гардида, ҳозирин аз ибтидои рӯз натиҷаи раъйдиҳиро тариқи шабакаҳои талевизионии ватанӣ дастаҷамъона интизор шуданд.

Баъди эълони 90, 92 дарсади овозҳо ба номзадии Пешвои миллат муҳтарам Эмомалӣ Раҳмон ҷамъомадагон бо шиорҳои “Шараф ба Пешвои миллат!”, “Шараф! Шараф! Шараф!”, “Зиҳӣ Пешвои бунёдкору созандаи миллат!”, “Ҷавонон пайравони Пешвои миллат”, “Мо ҷавонон, Пешвои миллатро дӯст медорем”, “Мо бо шумоем Пешвои миллат!”, “Пешвои миллат рамзи саодату осудагии давлату миллат аст” ва “Тоҷикистон ба пеш! баромад карда, бо шодию нишот ҳамдигарро самимона табрик намуданд.

Бояд гуфт, ки чунин чорабинӣ дар ҳамаи шаҳру ноҳияҳои ВМКБ сурат гирифта, сокинону ҷавонони вилоят пирӯзии Пешвои миллатро бо як дилгармии хосса истиқбол карданд.