Бо мақсади баланд бардоштани маърифати ҳуқуқии ҷавонон, пешгирии ҳаргуна ҷинояткорӣ ва зуҳуроти номатлуби ҷомеа миёни онҳо кормандони Шуъбаи Вазорати корҳои дохилӣ дар шаҳри Хоруғ бо донишҷӯёну ҷавонони ВМКБ мулоқот намуданд.

Вохӯрии мазкур дар Донишгоҳи давлатии Хоруғ ба номи Моёншо Назаршоев бо ширкати мудири Шуъбаи кор бо ҷавонони донишгоҳ Дидоршоҳ Насриддинов, кормандони ШВКД Муслам Давлатқадамов ва Умеда Насриддинова рӯи кор омад.

Зикр гардид, ки аз рӯзи аввали амал кардани Ситоди байниидоравии мақомоти ҳифзи ҳуқуқ ва таъмини амният дар ВМКБ ҳаргуна ҷинояту ҷинояткорӣ миёни ноболиғону ҷавонон ва наврасон коҳиш ёфта, аз соли гузашта то ба ҳол байни ин табақаҳои ҷомеа дар ҳудуди шаҳр танҳо 19 ҳолати ҷиноятҳои характери гуногун ба қайд гирифта шудааст.

Дар ҷараёни мулоқот байни ҳозирину кормандони ШВКД суҳбати озод ба таври саволу ҷавоб сурат гирифт.