Дар заминаи ширкати «Субҳи Сарбанд»- шаҳри Сарбанд боз як коргоҳи нав ба кор шурӯъ намуд, ки бо ин васила 12 бонуи хонанишин бо фарогирии касби дӯзандагӣ соҳиби ҷойи кори доимӣ гардиданд.

Ба гуфтаи Гулдаста Бобомуродова, муовини роҳбари ширкати «Субҳи Сарбанд» корхона аллакай истеҳсоли 6 ҳазор либоси мактабиро ба нақша гирифтааст, ки 3 ҳазори онро муассисаҳои таълимии шаҳр фармоиш додаанд.

- Барои мо дар бозори дохилӣ пайдо намудани муштариён ва рақобатпазир будани маҳсулоти истеҳсолшуда хеле муҳим аст. Аз ин рӯ, бо Маркази таълими калонсолони шаҳри Душанбе шартнома баста, ният дорем дар дохили худи корхона курсҳои дӯзандагиро ташкил намуда, бо ин роҳ сатҳи касбияти коргаронро баланд бардорем, - гуфт Гулдаста Бобомуродова.

Ба иттилои манъба, дар оянда фаъолияти корхона васеъ ва шумораи коргарон аз ҳисоби занони хонанишин бештар карда хоҳад шуд.

Умед Мирзоев, “ҶТ”